ZEKHARIAH 9:16 - Cho Bible Common Language 2016

¹⁶ Cun ah hnüüp a gawk law ung, Bawipa naw a chang gui cu, Htoshäm naw htome gui kyihkyawk nak ung a hun gui ah mäih ah hun gui khai. Ngami cu ani ah khaw ung pyülung lukhu ah mäih ah ng’shü khai gui.

ZEKHARIAH 9:16 Referans Kwoze

ISAIAH 62:3

Nang cu Bawipa ah hmawk ah kyom ciah lukhu ah na kyak khai.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

HAKKAI 2:23

A cu hnüüp ung Zerubbabel, ka chang shäm, nang cu ning la ne, ka ming awn uktu ah ka ning m’tüih khai, nang cu ka ning ghü pyi ci nei” cine hlüngtai ciah Bawipa naw pyen ci.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

JEREMIAH 31:11

Kei naw Israel ah chang cu ka k’phiawn gui ci, m’gäi ciah pakhui ungka ka hun gui ci.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

ISAIAH 40:10

Uktu Bawipa cu a huham awn uk khai ah lawk ci nei. Ani naw a gun ah chang gui law püi gui ci nei.

ZEPHANIAH 3:20

Akhin gawk law pyi ci nei! Püi ciah ka chang gui im ah ka law püi ba gui khai, Khomdek khan avan ung na ming ka ning thang sak khai. Ka ning bühmang ba sak khai,” cine, Bawipa naw ng’thu pyen ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

JEREMIAH 23:3

Kei naw ka püi pyang sak nak gui ah khaw ung k’pawih ba ciah ka chang gui cu kei naw ka ng’bum ba sak gui khai, cun kawn ah ami khaw ung ka law püi ba gui khai. Ngami ung ami hta nau da khai, chang phi da lawk khai gui.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

PHYAWN NAK 28:9

M’liu lung hnih la ne, Jakob ah htapa gha lei goi ah ming gui cu, acun ah khan ah vüt ne guk vai.

PHYAWN NAK 28:21

Shin ah lung gha lei goi ung tumat ciah khan ah vüt ne, Jakob ah hta chang gha lei goi ah ming cu tumat ciah guk vai. A cun naw Israel pakhui gha lei goi cu dang sak ci.

ISAIAH 54:12

Kei naw nang ah tänghän gui cu ghui lung awn, na m’kawt gui cu m’liu lung gui awn ka co khai nei.

EZEKIEL 34:11

“Kei, uktu Bawipa naw ka ning m’thein gui ci, kei ka mät naw ka htome gui ka shui ba khai, ka m’htei htang gui khai.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.