ZEKHARIAH 9:11 - Cho Bible Common Language 2016

¹¹ Bawipa naw, “Küikyan nak ah si awn m’hnüt ne, Nang awn thukhän ka bi ah hmawk ah Na chang gui cu ka m’hlawt gui khai nei — Tui kä om ciah khui chawng ungka, Ka k’phyawn gui khai nei.

ZEKHARIAH 9:11 Referans Kwoze

ISAIAH 51:14

Thawng nga kium ci gui cu luat sak gui ge vai; ngami cu a shou ghing khai gui, ngami ung hlü ciah ami ei vai a van om ci.

PHYAWN NAK 24:8

Cun kawn ah Moses naw khawk ung si cu la neta, chang gui ah khan ah k’peh ci. Ani naw, “Shin cu thukhän m’hnüt nak ah si ah kyak ci, cun cu shin ah thumkhän avan ana pek gui yah ung Bawipa naw mikmi ung a bi ah kyak ci” cik ci.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

1 KORIN 11:25

Acun ah mäih ah müei ami ei kawn ah khap cu la netah, “Shin ah khap cu kei ah ka si ng’hlui awn geei ne m’hnüt ah Khanpughi ah Thukhän thai ah kyak ci. Shin ah khap nami awk law phung ung kei nami na shüm nak vai ah shikchaa ah nami bi vai nei” cine pyein ci.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 49:9

Kei naw thawng kyum ci gui ka pyen na gui khai, ‘Luat ne hteit ba vä!’ Ka cik khai, Hmüp khui ung om ci gui am, ‘Akdei ung lut law vä! ka cik khai!’ Ngami cu khogui yung ah khu ei ciah htome ah mäih ah kyak khai gui;

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

SAM 40:2

Kei cu di nak ah khui la ng’än nai ung ka na khui ba ne, lung khan ah na m’düih ne nak phyawn sak ci.

MAKUH 14:24

Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci.

LUKA 22:20

kei nami na shüm nak ah la ne ei vä” cik ci. Acun ah mäih ah ei ami ei kawn ah sapyit tui khap cun phi la netah, “Shin ah khap cu Khanpughi ah thukhän thai, a ning m’hnüt nak gui vai ah nangmi ah hmawk ah ka huk ah, kasi ah kyak ci,” cine pyein ci.

ISAIAH 58:12

Nami chang gui naw cau ng’phye ng’gäi cicu co ba khai gui, cawh kyan pyi phyim angnei ah khanah. Co ba mä khai gui, Nangmi cu Mang k’pang co ba ne, im she m’tho ba ciah ning hmat gui khai gui.”

SAM 30:3

ng’cim hmun ungka na na gung ci. Kei cu m’htei kho bü ne ka hteit ci, cun ung phi ka ghin nak cu na na shum ci.

THULÄÄN NAK 5:31

Cun ung phi nang Moses cu kei awn a täng ah shin ung na om vai. Kei naw ka thukhän gui la thumkhän gui cu ka ning pek khai nei. Chang gui am m’theithang gui ä, cun ung kei naw ka pek gui vai ah khaw ung ngami naw läk khai gui nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

ISAIAH 42:22

Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

JEREMIAH 38:6

Cun ah kyasei ngami naw kei cu na hteh püi u ne, hui awn manghta malachiah ah tui shawk ung na yuk chah ci gui, cun cu mang im väng kyong ah om ci. Tuishawk kyong ah tui kä om ci, ng’ä bäng om ci, kei cu ng’ä ung ka lut ci.

THU PHLAAN 20:3

Khankho chang naw shawk cu m’htei lungkhui ung yuk chah netah, khokum phiaa ghaa ang pyi güt ung chang gui kä ah cheishoh-en sak gui hlawt vai ah m’hnüt ne choh awn khai shi ci. Khokum phiaa ghaa ang pyi kawn ah ani cu a shäng hta k’hmawn tu ba khai.

DANIEL 2:29

“Nang ghangpughang naw na ih sangung ngawi ah a i ah kya lawk khai cicu na mang nak ci nei; akthuuk pi dang sak ciah Khanpughi naw, a i ah kya lawk khai cicu nang am ning m’hnuh ci nei.

2 SHONTÄP NAK 7:17

Nang naw napa David ah mäih ah bekhüt ne ka bii bi ne, ka thukhän gui läk ne, ka thumkhän nü nü na bi ah a kyak ung,

2 SAMUEL 13:13

A i hawkcha kei naw chang ah ng’lung ah ka lu ka m’dang tuba khai aw? Nang — nang cu Israel gui ah ng’lung ah ka thüi ng’a khai nei. Na bä ni, ghangpughang ah ma ah pyen ä, ani naw kei cu nang am ning pek khai nei” cik ci.

LUKA 16:24

“Pa Abraham aw, kei cu nam gein ä, kei cu m’htei mei khui ung ang htei ah ka geinvai ci nei. Layarus naw a kut m’dawng awn tui tawk netah ka m’lei ung ana m’hteei tu vai ah ka om nak ah yuk tüi law” cine m’awi ne ng’khü ci.

HEBRU 10:2

A vai sü ah Khanpughi khawihnah ciah chang gui ah ami cheishoh nak cu, thukhän naw akcang ah theing cim sak ciah a kyak ung, cun ah chang gui naw ngami ung cheishoh nak kä om ba ciah ngai u ne, küikyan nak kä bi ba khai gui ah kyak ci.

JOB 33:30

Ani naw chang ah ghin nak cu hun ne yei ne ghin nak cu pek ci.

ISAIAH 24:22

Khanpughi naw ghang pughang gui cu thawngkium gui ah mäih ah khui tumatung m’tawk gui khai. Ani naw ngami cu, ngami m’kyuk nak gui vai ah akhin a gawk law güt ung khai gui khai.