ZEKHARIAH 9:1 - Cho Bible Common Language 2016

¹ Shin cu Bawipa ah ng’thu ah kyak ci. Ani naw Hadrak khaw la Damaskas mang gaw cu m’kyuk ci. Bawipa naw Israel khaw bäng ah kä kyak ci, Siria mang gaw phi khäm ci.

ZEKHARIAH 9:1 Referans Kwoze

MALAKHI 1:1

Shin cu Malakhi naw Israel chang gui am am thein gui vai ah Bawipa naw a pek ah ng’thu ah kyak ci.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

SAM 145:15

Ak ghing avan naw ngaih u ne ning teng ci gui, Ami cawi yah ung nang naw ei na m’bei gui ci.

SAM 25:15

Ang täi sei a nam htei vai ah kei naw Bawipa cu, ka dan ci nei, Ani naw di nak vai ung ka na gung ci nei.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

ATÜNNAK 14:15

Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

NAHUM 1:1

Shin cu Nineveh ah mawng ng’thu m’khäh, Elkosh ah ka Nahum naw a hmuh ah muimang m’cut gui ah kyak ci.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.