ZEKHARIAH 8:8 - Cho Bible Common Language 2016

⁸ Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

ZEKHARIAH 8:8 Referans Kwoze

EZEKIEL 36:28

Cun kawn ah nangmi cu kei naw nami pupa gui am ka pek gui ah khaw ung nami om khai. Nangmi cu kei ah chang ah nami kyak khai, kei cu nangmi ah Khanpughi ah ka kyak khai.

EZEKIEL 11:20

Cun ung ngami naw kei ah thukhän gui cu k’paang u ne, kei ah thumkhän gui avan cu bekhüt ne läk khai gui. Ngami cu kei ah Chang ah kyak khai gui, kei cu ngami ah khanpughi ah ka kyak khai.

THU PHLAAN 21:3

Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

TAIGÜTHUM 26:12

Kei cu nangmi awn a täng ah ka om khai; kei cu nami Khanpughi ah ka kyak khai, nangmi cu kei ah chang ah nami kyak khai.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

JOEL 3:20

Ami ngawn gui ah phäh ah kei naw phu ka tuk khai; changshe gui cu kä ka m’hlawt gui khai. Cun ung phi Judah la Jerusalem cu ngawi yä khäng khai goi nei, Kei, Bawipa cu Zion m’htung khan ah ka om khai nei.”

ZEKHARIAH 10:10

Egypt khaw la Assiria khaw ungka ami im ah law püi ba gui ne, ami ng’dü ung ka om ba sak gui khai. Kilead la Lebanon ung phi ka om sak gui khai. Khaw avan ung chang avan be khai.

JEREMIAH 32:41

Ngami ah phäh ah akni bäng bi ne yei nak ka lak khai, kei naw shin ah khaw ung angtäi ah ka om sak gui khai.

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

JEREMIAH 23:8

Cun nak vai sä ung, a siiptäng khaw la kei naw ka püipiang sak nak gui ah ahei khawpäng avan ungka Israel chang gui law püi ba gui ciah ghing ciah khanpughi ah pyen ne ng’khäntaam khai gui nei. Cun kawn ah ngami cu ami mät ah khaw ung om khai gui.”

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

EZEKIEL 36:33

Uktu Bawipa naw pyen ci, “Kei naw nami katnak avan ungka ka ning thap sak ba gui kawn ah, kei naw nami mang gaw gui ung ka ung ka ning om ba sak gui khai, shekak ci gui ka ning cawh ba sak gui khai.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

HOSEA 11:11

Ngami cu kha ah mäih ah yong u ne, Egypt khaw ah kaa mümcha ah mäih ah Assiria khaw ah ka law ba khai gui. Kei naw ami im ah ka hteh ba püi gui khai. Bawipa naw ka pyen nei.