ZEKHARIAH 8:6 - Cho Bible Common Language 2016

⁶ “Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

ZEKHARIAH 8:6 Referans Kwoze

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

LUKA 18:27

Bawipa Jesuh naw, “Chang naw kä am khüt cu Khanpughi naw m’khüt ci nei” cine pyen na gui ci.

LUKA 1:37

Khanpughi ah kä m’khüt a i kä om ci nei” cine pyein ci.

LUKA 1:20

Cun ung phi akhin a khüm law ung bä khai ah ng’thu kei ah pyein cu nang naw kä na yum ci. Cun kä na yum ah hmawk ah nang cu na aang khai, kei ah ng’thu bä ne kä ang dang pha güt käng thu phung ah na om khai” cine pyen nak ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

2 GHANGPUGHANG GUI 7:2

Ghangpughang m’täh ciah chang naw Elisha am, “Bawipa amät naw ang ghit ah ei kho a yuk aa sak ung phi, cun ah kä kya hning khai nei!” ci nak ci. Elisha naw, “A cun ah a kyak cu nang naw na hmuk khai, cun ung phi api phi nang naw kä na ei tuk khai” ci nak ci.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

SAM 118:23

Cun cu Bawipa ah bi ah kyak ci; a i hlawk ah hmu ne cäi vai kyak ci ang!

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.