ZEKHARIAH 8:5 - Cho Bible Common Language 2016

⁵ Lam gui ung phi hnumi hta pami hta gui be ne gü ng’lah ba khai gui nei.

ZEKHARIAH 8:5 Referans Kwoze

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

ZEKHARIAH 2:4

Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.