ZEKHARIAH 8:4 - Cho Bible Common Language 2016

⁴ Pami ghipa gui la hnumi ghipa gui cu ng’shopawng awn ng’shaw ne hteit u ne, mang gaw ah ang lung ung ngok ba khai gui nei.

ZEKHARIAH 8:4 Referans Kwoze

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

JOB 42:17

Cun kawn ah ani cu ang htei ah ghi law neta sik ci.

JOB 5:26

Khäm vai ah akhin ung hmin ciah cu ng’htang ah mäih ah nang cu ghi ne na ghing khai.

1 SAMUEL 2:31

Ngai ä, na kyong khui la na pakhui ung ka, chang nong gui avan ka ngawn nak vai ah a khin gawk lawk ci nei, cun ah kyasei na kyong khui ung ka tumat phi ghi ne kä ghing khai nei.

1 SAMUEL 2:32

Nang cu na khüi kha khai, a hei Israel chang gui am ka pek vai ah hriham avan cu nang naw vamneng ne na teng khai, cun ung phi nang ah kyong khui ung ka tumat phi ghi ne kä ghing khai.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

JEREMIAH 31:24

Chang gui cu Judah khaw la gaw nu gui avan ung om khai gui, lo k’bi gui la htome ng’bum ung htomeshäm gui om khai gui.

ZEKHARIAH 2:4

Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.