ZEKHARIAH 8:21 - Cho Bible Common Language 2016

²¹ Mang gaw tumat ungka lawk ci gui naw, a hei ah ka lawk ci gui am, ‘Keimi cu hteit ne hlüngtai ciah Bawipa kami khawihnah khai nei, a hriham dou vai ah kami taigü khai nei, keimi awn atäng ah law tu vä!’

ZEKHARIAH 8:21 Referans Kwoze

ZEKHARIAH 7:2

Bethela chang gui naw Sharezer la Regemmelek la ami chang gui cu M’gäi ciah Bawipa ah Taigüim ah tüi goi ne Bawipa ah hriham ah hmawk ah taigü sak goi ci gui;

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

SAM 103:22

A uk nak hmun avan ung ka, a tüisho avan naw Bawipa cu m’taam vä. Ka mümcha, Bawipa cu m’taam ä!

ZEKHARIAH 8:22

Chang akda la huham mah ciah pakhui gui cu Jerusalem ah law u ne, Hlüngtai ciah Bawipa cu khawihnah u ne, a hriham dou vai ah taigü khai gui nei.

2 SHONTÄP NAK 11:16

Israel Khanpughi, Bawipa ak ni ah khawihnah hlük ciah Israel pakhui avan ungka chang gui naw Jerusalem ah hteit ciah Levit gui cu läk gui ci gui, Cun ah kya ne, ami pupa gui ah Khanpughi Bawipa am khawihnah douthak ci gui.

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

JOHAN 1:37

Cun a ci ng’ya u netah, ang khahpüi goi cu, Bawipa Jesuh ah a hnu ah läk tuk ci goi.