ZEKHARIAH 8:16 - Cho Bible Common Language 2016

¹⁶ Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

ZEKHARIAH 8:16 Referans Kwoze

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

NG'THU K'THUUK~ 12:19

Hleeihlak cicu a ghin nak tawi ci, ng’düng ciah ghin nak cu khong län ung om ci.

NG'THU K'THUUK~ 12:17

Düng ci na pyen ung taga sei nabi ah kyak ci, hleeihlak nak naw kä taga nak gawk sak ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

MATTHE 5:9

“Dimdeeih nak bik ci gui yeikyai vä; Khanpughi naw a hta ah ning khü gui khai!

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

AMOS 5:24

Cun nak vaisü ung taga ciah tuihta ah mäih ah long vä, kä ket hlawt ciah tuinu ah mäih ah ng’düng vä.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

TAIGÜTHUM 19:11

Kä m’guuk vai, kä thuvi vai, kä hleei vai.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

EZEKIEL 18:8

Ani naw ngui a taw ah kä ng’pu ci. Ani cu akshe bi vai ah mak ci, Ng’cuh can nak päng ung düng nak awn m’khoi chak ci.

EZEKIEL 45:9

Uktu Bawipa naw pyen ci, “Nangmi Israel uktu gui, katnak nami bi cu shou law aih ci nei! Nami cawi m’sa nak la nami yawshe nak cu ng’düm vä. Hman ci la taga cicu bi vä. Nangmi naw kei ah ka chang gui cu ami khaw ungka kä nami k’täm ba gui ah hlawt khai. Kei, uktu Bawipa naw, shin ah ka ning m’thein nei.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.