ZEKHARIAH 7:7 - Cho Bible Common Language 2016

⁷ Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

ZEKHARIAH 7:7 Referans Kwoze

JEREMIAH 17:26

Chang gui cu Judah gawnu gui la Jerusalem ah ng’veing gawhta gui ungka lawk khai gui; ngami cu Benjamin khopäng khomhtung nawi gui. Khomhtung gui la Judah a htumtäng ungka lawk khai gui. Ngami naw m’khih ne douthak nak la khawihnah nak, thang-douthak nak la tui ng’ui gui la yeikyai douthak nak gui cu kei ah Taigüim ah law püi khai gui.

JEREMIAH 32:44

Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

JEREMIAH 7:5

“Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

JEREMIAH 33:13

Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

THULÄÄN NAK 34:3

Judah khaw a htumtäng Zoar ungka naw Jerikho ungkhüt ciah khawdou, Can ghing guiah om nakmang gaw,

JEREMIAH 13:19

Judah khaw a htum täng gaw nu gui cu ami khaai pyi nei; ngami ah a u kä hteit hlawt ci nei. Judah chang gui ami van cu omk’tu ah ami hteh püi gui nei.”

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

ZEKHARIAH 7:6

Cun kawn ah ami ei la ami awk cu ami mät ah phü ge ah kyak ci nei.”

ZEKHARIAH 7:8

Bawipa naw shin ah ng’thu cu Zekhariah am pek ci:

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.