ZEKHARIAH 7:6 - Cho Bible Common Language 2016

⁶ Cun kawn ah ami ei la ami awk cu ami mät ah phü ge ah kyak ci nei.”

ZEKHARIAH 7:6 Referans Kwoze

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

HOSEA 9:4

Cun ah akhohei khaw ah ngami naw Bawipa am, sapyit tui kä thak ba hlawt khai gui. Ami khawihnah nak phi ani ah kä law püi ba hlawt khai gui. Ngami ah ei cu gook ei ah mäih ah ei ciah chang nü lelawi sak khai. Cun cu ami cawi amik phyei nak bäng ah kyak khai. A i phi Bawipa ah tigü im ah douthak vai kä kyak khai.

1 SHONTÄP NAK 29:22

A cu ah hnüüp ung ngami cu Bawipa ah ma ah ami ei awk ah phäh ah anghtei ah yeikyai ci gui. Solomon cu ghangpughang ah kyak ci nei cine ak nih vei nak ah ng’shäu ci gui. Ani cu Bawipa ming awn ami uktu ah phyuh theh u ne, Zadok cu taigü ah tha ci gui.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

THULÄÄN NAK 14:26

Cun cu nami ng’yak hlü ah nami mang vai. Sei, htome hta, sapyitui, awk vai hleih na neta, Bawipa nami Khanpughi ah ma ah nang la na kyong chang gui naw ei aw ne nami mät nami yeikyai vai.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.