ZEKHARIAH 7:5 - Cho Bible Common Language 2016

⁵ Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

ZEKHARIAH 7:5 Referans Kwoze

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

ZEKHARIAH 7:6

Cun kawn ah ami ei la ami awk cu ami mät ah phü ge ah kyak ci nei.”

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”

KOLOSE 3:23

Nami bi phung phung cu chang ah bi bi ah mäih ah kä kyak ciah Bawipa ah bi bi ah mäih ah nami m’lung kyong avan awn nami bi vai.

2 KORIN 5:15

Bawipa cu chang van ah hmawk ah sik ci, cun ah kyasei chang gui cu ami ghin yah ung ami mät ah hmawk ah kä ghing ba u ne, ngahmi ah hmawk ah a hnun gui pe ne, tho ne ghing ba ciah Bawipa ah hmawk ah a mi ghin vai ah kyak ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

2 GHANGPUGHANG GUI 25:23

Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

JEREMIAH 52:12

Babilonia ung Nebukhadnezzar ghangpughang ah a kyak nak akum gha lei kaw nak, a cha hma nak ah a hnüp gha hnüüp ung, ghangpughang m’shümthein ci la gakap bawi ah kyak ciah Nebuzaradan cu Jerusalem un glut ci.

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

ZEKHARIAH 7:4

Shin cu Bawipa ungka kei ah gawk lawk ciah ng’thu ah kyak ci.

2 GHANGPUGHANG GUI 25:25

Cun ung phi a cu kum a cha chih nak ung Elishama ah atu, Nethaniah ah hta, mang ah kyong khui ungka Ishmaela naw chang sing gha khah püi ne Mizpah ah hteit neta Kedaliah cu tu ne ngawn ci. Ani naw ani awn a täng ah om ci gui ah Israel chang gui la Babilonian gui phi ngawn gui ci.