ZEKHARIAH 7:13 - Cho Bible Common Language 2016

¹³ A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

ZEKHARIAH 7:13 Referans Kwoze

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

LUKA 13:25

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.

EZEKIEL 20:3

Ani naw pyen ci, “Hnicim chang, Shin ah chang gui ng’htau püi gui ne, uktu Bawipa naw a pyen cu m’thein gui ä: Nangmi cu kei ah ka ng’yak hlü nami na ng’shik khai ah nami lawk ciah kä kya ne ang? Kei cu akcang ah ghing ciah Khanpughi ah ka kyak ci, a i phi kei nami na ng’shi vai ah kä ka yum ci. Kei uktu Bawipa naw ka pyen nei.

EZEKIEL 14:3

“Ani n aw pyen ne, “Hnicim Chang, shin ah chang gui naw ami m’lung cu agup gui am ap u sei, a gup gui naw katnak ung hteh püi gui ci nei. Ngami naw, kei naw m’shan nak ka pe gui khai an ngai u ne ang?

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

JEREMIAH 7:27

“Cun ah kya sei, Jeremiah, nang naw shin ah ng’thu gui avan cu ka chang gui am na pyen nah gui khai, Cun ung phi nang cu kä ning ngai khai gui; nang naw na khü gui khai, cun un phi ngami naw kä ning m’shang khai gui.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 11:14

Jeremiah, shin ah chang gui ah ami chaw ah kei ah kä na tai gü en vai, kä na yoih thäh en vai. Ngami cu khüikha nak ung gawk ne, m’htei gui vai ah ami na khü law ah a kyak ung kei naw kä ka ngai gui khai nei.”

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

NG’ÄI KYAH 3:44

M’lungshe nak ah khongmei cu shah aih sei, keimi ah taigü nak naw kä k’täih hlawt ci nei.

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.