ZEKHARIAH 7:11 - Cho Bible Common Language 2016

¹¹ “Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

ZEKHARIAH 7:11 Referans Kwoze

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

HOSEA 4:16

Israel chang gui cu pat m’la ah mäih ah lingkeng ci gui nei. Kei naw a i hawk cha ah htome hta gui ah mäih ah kho k’pu ung ka m’bei gui hlawt khai aw?

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

LAMKTU 7:57

Kawngsi ng’vai gui cu m’lau u neh, ami kut awn ami k’hnga bawm yawp u neh, ani ah om nak ah dawng lawk ci gui.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

JEREMIAH 36:31

Kei naw nang, na htangshon gui la na bawi gui cu ka m’kyuk gui khai, a i ah kyasei ci ung cun cu nami van ch katnak ah phäh ah kyak ci. Nang la Jerusalem la Judah ung chang gui naw kei ah thukbäi cu a i ah kä nami sui ci gui. Cun ah kyasei nangmi ka ning m’kyin nak gui ah leigai cu nami van ah khan ah ka law püi khai.”

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

2 SHONTÄP NAK 33:10

Bawipa naw Manasseh la a chang gui cu thukbäi gui sei phi ngami naw ma u ne, kä ngai ci gui.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

JEREMIAH 42:21

Tuhbäi dei naw ka ning m’thein gui ci, cun ung pi Bawipa mi khanpughi naw na tüi sei ka ning m’thein gui nü cu kä nami läk ci.

EZEKIEL 5:6

Cun ung phi Jerusalem naw kei ah thumkhän gui cu hnungtuk ne küknet ci ani naw a hei pakhui khaw gui ah ta a shetkat tuba cu m’dang ne, ani koi ciah khopäng gui ah mä ng’thu kä a läk tuba ah mawng cu m’dang ci. Jerusalem naw ka thumkhän gui cu hnungtuk ne ka thukhän gui läk vai ah mak ci.

ISAIAH 28:12

Ani naw düm nak ning pe gui ne, nami van ning shungvawng gui sei phi, ani nami ngaih vai ah nami mak ci nei.

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.