ZEKHARIAH 7:10 - Cho Bible Common Language 2016

¹⁰ Hmeinu hmeihta gui, a khawhei chang nami ng’lung ah om tuk ci gui la dukhaih ci gui cu kä nami shedam nak vai. Tumat la tumat ak she ah kä nami ng’tüihtok tu vai.’

ZEKHARIAH 7:10 Referans Kwoze

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

1 JOHAN 3:15

A phäi nau thüi nak ciah chang cu chang ngawn ciah kyak ci, Chang ngawn ciah chang naw angtäi ghin nak kä gah hlawt khai cicu nami hmat ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

SAM 72:4

Dukhaih ci gui cu ghangpughang naw hmai kiang ne m’taga gui sä; cawi gha ci gui cu m’hteinghtang gui sä, ngami shedam na gui cicu hnim gui sä.

SAM 21:11

Ngami cu ami mät ah ngaih ah tängpang u ne, Ani cu hnu ng’tuk püi ci gui, cun ung phi kä näng khai gui.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEKHARIAH 8:17

Akshe ah kä nami ng’u hneit tu vai. Hleei pyen ne kä nami ng’phyun vai. Kä ng’düng ci, hleeihlak la m’ghä m’ce nak cu kei naw ka thüi nak ci.”

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

NG'THU K'THUUK~ 3:29

Na pei leng ah ka naw am neh vai ah a i kä na pawng püi en vai. Ani cu na pei ah om ci, ning ngaih gep ci,

SAM 140:2

Ngami cu angtäi sei akshe m’zih ne bik ci gui, angtäi sei ng’cuh can ng’vongshang ci gui.

THULÄÄN NAK 27:19

“Khanpughi ah plah taam nak cu khaw hei chang gui, hmei hta gui, hmei nu gui ah gah vaisü, chei sak ciah chang päng ah khan ah gawk sä. “Chang avan naw ami m’shan vai cu, ‘Amen!’

PHYAWN NAK 23:9

“A khawhei chang kä nami shedam nak vai, nangmi naw akhohei chang naw a i a ngaih dam cu nami hmat ci, a i ah kyasei ci ung nangmi cu Egypt khaw ah a khawhei chang ah nami kya man ci.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

JEREMIAH 49:11

Nami hmeihta gui nawng shüt vä, kei naw ka m’htei gui khai. Nami hmeinu gui cu kei ung shungshet u sä.

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,