ZEKHARIAH 6:8 - Cho Bible Common Language 2016

⁸ Cun kawn ah khanchang naw kei ah ma ah m’lau ne a pyen cu, “A siiptäng Babilonia khaw ah hteit ciah ng’se gui naw, Bawipa ah m’lungshe nak cu dim sak ci gui nei” cik ci.

ZEKHARIAH 6:8 Referans Kwoze

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

EZEKIEL 24:13

Jerusalem, na mät ah omshe hnunthawh nak naw ning lelawi sak ci nei. Kei naw ka ning theingthap sak khai ah ka tha nak ung phi nang na lelawi ba lä ci. Kei ah ka m’lungshe nak ah k’tut nak akbe ah kä nami gah pha ah chuih nangmi kä nami theingthap ba khai.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

EZEKIEL 16:42

Cun kawn ah kei ah m’lungshe nak cu ng’pyi khai, kei cu ka dimdeeih khai. Kei cu kä m’lungshe ba khai, kä ka m’thüi m’khang ba khai.

ISAIAH 48:14

“Nami van, ng’bum ne ngai law vä! Kei naw ka ghü ah chang naw Babilon cu tuk khai, Ani naw kei ah ng’yak hlü ah bik khai, ciah a i khanpughi phi kä ng’cängbang man ci nei.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

THUSHÄUTU 10:4

Ning uk ciah chang, na khan ah a m’lungshe law ah a kyak ung na bi kä na nawng en vai; nang cu a düm ah na om ah akyak ung, cheishoh nak aktung phi ning m’gein khai nei.

SUKI GUI 15:7

Samson naw a pyen nak gui ci, “Nangmi naw shin cha ah nami bi ah a kyak ung, kei phi nangmi kä ka ning thung pha gui yawp ah chuih kä ka ng’düm khai nei cine ka ng’tam ci nei” cik ci.

SUKI GUI 8:3

Cun kawn ah Khanpughi ah huham awn, nangmi naw Midianit bawi goi, Oreb la Zeeb cu nami ngawn ci nei. Cun awn m’tumtäng hning vai ah kei naw a i ang ka bi?” Ani naw cun ah a pyen kawn ah ngami cu aktä ah kä m’lungshe ba ci gui.