ZEKHARIAH 6:5 - Cho Bible Common Language 2016

⁵ Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.

ZEKHARIAH 6:5 Referans Kwoze

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

HEBRU 1:7

Cun ung phi khanchang gui ah mawng a pyein nak ung, “Khanpughi naw ak khanchang gui cu, khokhi ah pyang gui ne, ak changshäm gui cu meidäi ah pyang gui ci,” ci ne pyein ci.

EZEKIEL 37:9

Khanpughi naw na pyen nak ci, “Hnicim chang, khokhi ah khan ah cängbang ä. Khokhi am m’thein ä, uktu Bawipa naw thumkhän ci, akit päng ung khokhi ne, shin ah aksi pumsa gui cu ng’ghi sak ne, ghin sak gui ä.”

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

JOB 1:6

Khanchang gui Bawipa ah ma ah ami law vai ah akhin a gawk law yah ung, Satan phi ami ng’lung ah law tuk ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

EZEKIEL 11:22

Khiküi gui pawng ne zong ci gui, ping gui phi cun gui awn zong tuk ci gui. Dei ne khang ciah Israel khanpughi cu ngami ah khan ah om ci.

SAM 148:8

Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

1 GHANGPUGHANG GUI 19:11

Bawipa naw ani am, “Hteit ne m’htung lai ung kei ah ma ah ng’düi ä” ciah pyen nak ci. Bawipa naw sunpah ne hteit neta, khokhinu cu chah law sei, khomhtung gui pyawn ne, lung gui payak ci — cun ung phi Bawipa cu khokhi ung kä om ci. Khokhi ng’düm law khäta, shihpi thüng lawk ci — cun ung phi shihpi a thüng nak ung Bawipa kä om ci.

JOSHUA 3:11

Khomdek avan ah Bawipa ah Thukhän M’küm naw Jordan tui cu nami ma ung a hei kah ah a kyak ung,

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

DANIEL 11:4

Cun ung phi a huham a hlüng pikbäih sangung ani ah uknak khaw cu she ne, phli ah ng’bou khai. Ani ah ng’shon ah kä kyak ciah ghangpughang gui naw ani ah hnün ung uk khai gui. Cun ung phi ngami cu ani ah mäih ah kä huham mah khai gui.

ZEKHARIAH 6:1

Ahei mä ka ng’mang na ba mä ci. Cun ung läi ng’se yatha phli cu asen ah kyak ciah khomhtung goi ah ng’lak ungka hmä lawk ci goi.