A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.
Zion hnumi gui, law ne ghangpughang Solomon cu teng law vä. Ani naw anu naw alu ung akbün ah lukhu cu ng’büng ci nei, cun cu a chumah hnüüp ung kyak ci, a yeikyai hüithaw nak ah hnüüp ung ah kyak ci.
Ani naw cun ung om ci gui am thumkhän ne, Joshua ah lu ung lupawng theing ami pek vai pyen sei, acun ah pek ci gui. Cun kawn ah ani am sui akthai m’sui ci gui, cun yah ung a pei ah Bawipa ah khanchang ng’düi ci.
Ani naw alu ung sam sawm sak ne, sam ah mawng ah ghui lukang awn pyan pek ci. Cun cu Bawipa ah thumkhän ah mäih ah ng’ap nak cu ng’ciim sei m’dang nak ah kyak ci.
Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.
Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.
Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.
Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.
Ammonit gui ah khanpughi Molech ah a gup ah alu ungka, ghui lukhu cu David naw lak ci, cun cu ghui pit gha lawk ci, pyülung phi akyong ah om ci. David naw pyülung cu la ne amät ah lukhu kyong ah tha ci. Ani naw mang gaw ung ami guh gui ah khawh ak chün phi lak ci.