ZEKHARIAH 5:8 - Cho Bible Common Language 2016

⁸ Khanchang naw, “Shin ah hnumi nu cu shetkat nak ah kyak ci” cik ci. Cun kawn ah cun ah hnumi nu cu dawn ah khui ah yuk m’hluh ba neta, yuk khüm ba ci.

ZEKHARIAH 5:8 Referans Kwoze

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

MATTHE 23:32

Nami pughi pa gui naw tün ne ami bi ah katnak cu, ang pyii ung khüt khai ah nami bi vai nei.

ZEKHARIAH 5:7

Dawn ung kawn khe awn ami pyan ah a khüm om ci. Kei naw ka teng sangung a khüm cu ng’hmawng law khäta, dawn ah kyong ah hnumi nu ngaw sei ka hmuk ci.

MIKHAH 6:11

Kä be khai ah nän ci la kä be khai ah khin ci cu, a i cha ah kei naw ka m’gein khai aw?

NG’ÄI KYAH 1:14

Ani naw ka katnak avan gu ne la neta, avan atäng ah khit gui ci. Ani naw cun gui cu ka hnü ung veing ne bat sei, kei cu gih nak ah aka ung ka yung kya vük ci. Bawipa naw na ng’tuk püi ciam na pek ci, Kei cu ngami hnungtuk püi gui vai ah am geinka ah ka kyak ci.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

SAM 38:4

Ka shetkat nak ah tui naw na k’plüm ne, kä näng vai ah phuih gih ci nei.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

HOSEA 12:7

Bawipa naw pyen ci, “Israel chang gui cu Kanaanit chang gui ah mäihah kya ne kä düng ci gui. Ngami naw kü hman khai ah kihn ne nän ne hleih ci gui am pek tu cu m’hni ci gui.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.