Biblia Todo Logo
Bib sou entènèt

- Piblisite -




ZEKHARIAH 5:4 - Cho Bible Common Language 2016

4 M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

Gade chapit la Kopi




ZEKHARIAH 5:4
19 Referans Kwoze  

Bawipa naw changshe gui ah im cu plah taam ci. Cun ung phi düng ciah chang gui ah im cu hrilham pe gui ci.


Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.


Tuhbäi ani ah phung kyong ah yam khui gui phu ne m’kyiit gui ngawn neta chang ahei gui om khai gui.


Cun ah a gup gui ci api ah phi nami im ah kä nami law en püi vai. Cun gui ah khan ah om ciah plah tam nak cu, nangmi ah khan ah gawk lawk khai. Nangmi naw cun gui cu thüi na u ne, cun ah a gup gui cu nami päipih vai, a i ah kyasei ci ung ngami cu Bawipa naw a plah tam gui ah kyak ci.


Ani ah taak phung cu di khai nei, Chang ah kut awn m’khih ah kä kyak ciah mei naw ani la akyong chang gui ui gui khai nei.


Cun ah kyasei khanpughi naw khomdek khan ung plah taam nak gawk sak ci. A chang gui naw bi ah phu cu pek ci gui. Ken law pi, ken law pi cicu k’pawih lawk ci gui.


Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.


Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.


Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”


Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.


Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.


Akshe ah kä nami ng’u hneit tu vai. Hleei pyen ne kä nami ng’phyun vai. Kä ng’düng ci, hleeihlak la m’ghä m’ce nak cu kei naw ka thüi nak ci.”


“Bawipa naw nami gawnu gui la nami lo lai gui cu plah taam khai.


Mi shaitak om ci kyasei ngami cu mi ghin sak gui khai. Cun ah kä mi bi ung Khanpughi naw na m’kyuk gui khai.


Ngami naw bangkaga ah ng’gan ung ami ng’bah ung cun naw m’khüt hning khai ang? Ngami naw pyai ung ami ng’pan ung ami ng’düih ba hlawt vai ah acun naw bawm gui khai aw?”


Cun ung phi nangmi ning thüi na gui ciah khan ah lü ng’aa nak law püi khai, chang omshe gui ah im gui cu maih khai gui nei.


Swiv nou:

Piblisite


Piblisite