ZEKHARIAH 4:2 - Cho Bible Common Language 2016

² “A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

ZEKHARIAH 4:2 Referans Kwoze

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

THU PHLAAN 1:12

Cun ah na ng’thu püi cicu a u ah a kyak ah ng’hlat ne va teng ba netah, ghui mei ng’düi pachih la;

ZEKHARIAH 5:2

Khanchang naw a i ka hmuh cu na ng’shi khäta, kei naw, “Ca k’tom cu khawkhi ung yawng ci; cun cu ayun dawng m’ku, akdang dawng gha lawk ci.”

JEREMIAH 52:19

Ngami naw ghui la ngui awn pyan phung cu hteh püi ci gui: Khawk hta gui, mei cak ami m’kawn nak ah hlaw k’am gui, khawihnah nak ah asi ami m’cun nak ah khawk gui, m’vut khawk gui, mei im ng’düi gui, tui ng’ui m’khih nak ah khawk gui, ami douthak ah sapyit tui ami shawi nak ah khawk gui phi hteh püi ci gui.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

2 SHONTÄP NAK 13:11

A khawngawi päng, a mühun päng ung ngami naw tui ng’ui gui douthak u ne, seime gui apum ah m’khih ne khawihnah ci gui. Ngami naw theingthap ciah tawnglang ah khan ung m’htut cu taih ne douthak ci gui, a mühun tä sei ghui mei im ng’düi ung mei im gui cu m’däi ci gui. Keimi naw Bawipa ah ang thumkhän ah mäih ah kami bik ci, cun ung phi nangmi naw nami nawng ci.

2 SHONTÄP NAK 4:7

Ngami naw ami m’hnüt bäi ah mäih ah ghui mei im ng’dü gha, tawnglang gha, pyang u ne, Taigüim ah a khan aktung pi ung vangtäng ung mei im ng’düi hma la tawnglang hma ciah tha ci gui. Ngami naw ghui khawk phi phia ah pyang ci gui.

1 SHONTÄP NAK 28:15

Mei im la mei im angdüinak,

THUSHÄUTU 12:6

Ngui gui choh cu pit ne, ghui mei im cu kya law ne payak khai, lam yung ah chang gui kyap khai gui.

JEREMIAH 24:3

Cun awn ah Bawipa naw na pyen nak ci, “Jeremiah, A i ang na hmuh? Kei naw ka m’hlan ci, “Thei gui ka hmuk ci, akni gui cu anghtei ah nik ci gui, akshe gui cu anghtei ah shek ci gui, ei vai ah kä ni aih ci.”

AMOS 7:8

Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.