ZEKHARIAH 3:3 - Cho Bible Common Language 2016

³ Joshua cu suishe sui ne acun ung ng’düi ci.

ZEKHARIAH 3:3 Referans Kwoze

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.

JAMES 2:2

A vaisü ah nami ng’bum nak ung, bühmang ciah chang tumat cu ghui shawi awi ne sui k’ni sui ne law tuk khai; pyamtham ciah chang tumat cu, sui she sui ne law tuk khai;

JUDE 1:23

Mei k’cang ung lut ciah chang gui phi nami khui tu ba gui vai nei. Chang amshah gui cu kyihkyawk nak awn nami chimgein vai, cun ung phi ami ng’yaw ng’koh shetkat nak kawpkai ciah ami suisak läi cu m’shemshai ci nei.

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

ISAIAH 64:5

Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.