ZEKHARIAH 3:1 - Cho Bible Common Language 2016

¹ A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

ZEKHARIAH 3:1 Referans Kwoze

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

1 SHONTÄP NAK 21:1

Satan naw Israel chang gui ah khan ah yaica nak law püi hlü neta, David naw chang ak khei vai ah k’bäi sak ci.

ZEKHARIAH 6:11

Ngami ah pek ah ghui la ngui gui awn lukhu pyang neta, Jehozadak ah hta, taigütung Joshua ah lu ung k’bün ä.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

2 SHONTÄP NAK 29:11

Ka hta gui aw, kä nami shokshü vai. Nangmi cu Bawipa ah ma ah tui ng’ui m’khih u ne, ani khawihnah nak ung chang gui nami matawn khai ah Bawipa naw a ning ghü gui ah kyak ci.”

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

ZEKHARIAH 2:3

Cun kawn ah kei na ng’thu püi ciah khanchang cu vang hlat vüba khäta, a hei khanchang cu ani hmuk khai ah lawk ci.

ZEKHARIAH 1:19

Kei awn kani ng’thu ciah khanchang cu, “Shin ah seiki gui cu a i gui ang?” cine ka ng’shi ci. Ani naw, “Cän gui cu Juda, Israel, Jerusalem ung chang gui püi pawng sak gui ciah huham ah kyak ci nei” cik ci.

ZEKHARIAH 1:13

Bawipa naw khanchang cu ng’thuni awn m’shang tuba ci,

ZEKHARIAH 1:9

Kei naw, “Saya aw, shin ah ng’se gui cu a i gui ang?” cine ka ng’shik ci. Ani naw, “A i ah ami kyak cu kei naw ka ning m’hnuh khai nei,

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

EZEKIEL 44:11

Ngami cu m’kawt ngäng u ne, Taigüim kyong ah bi bi u ne, kei ah bi cu Taigüim ung bik khai gui. Chang gui naw m’khih ne douthak vai la khawihnah nak vai ah ami law püi ah seime gui cu ngami naw ngawn hning ci gui, ngami cu chang gui bilo khai gui ah om hning ci gui.

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

THULÄÄN NAK 10:8

M’htung pei ah Bawipa naw Levit pakhui chang cu Thukhän M’küm m’htei khai m’düh ci. Ani cu taigü ah kya ne akhuut bik ci. Ani ah ming ung hriham gah ah mawng ani naw ng’shäu ci. Shin gui cu ngami ah bi vai ah kyak ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci: