ZEKHARIAH 2:9 - Cho Bible Common Language 2016

⁹ “Bawipa amät naw nangmi cu ning ng’tuk püi gui khai, nami changshäm man naw nangmi cu ning m’di gui khai.” Shin gui a kyak awn ah, M’gäi ciah Bawipa naw, kei cu ana tüih law ah chang päng naw hmat lawk khai nei.

ZEKHARIAH 2:9 Referans Kwoze

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

EZEKIEL 39:10

Ngami naw lo yung ah sing kä shui khai gui. Bung ah sing ghing kä chuk khai gui, a i ah kyasei ci ung ngami ung mei ah ami cih büh vai likhim ami nawng shüt gui om ci. Ngami naw ngami tu gui ne guttep gui cicu tu tuba ne guttep tuba khai gui.” Uktu Bawipa naw a pyen nei.

ISAIAH 14:2

Bawipa naw a pek nak gui ah khaw ah Israel chang gui ami hteh ba vai ah chang pak hui akda naw m’hteihtang gui khai gui, acu ah chang pakhui gui cu Israel gui ah chang shäm ah kyak khai gui. Israel gui näng gui min ciah chang gui cu Israel gui naw näng ba gui khai gui, ngami yawshe na man ciah chang gui cu Israel gui naw ukgui khai gui.

ISAIAH 11:15

Bawipa naw Suez tuikhep cu ket sak ne, ani naw khaw aling ah khi sak ne Euphratis tuinu ket sak khai, tukhta lawng chih bang on ba sei, cahngpäng naw kat hlawt khai.

JOHAN 16:4

Chang gui naw shin ah mawng gui ami bi nak vai ah khin a gawk law ung, nangmi naw nami shüm ba vai ah ka ning m’thein gui ah kiak ci nei. “Kei cu nangmi awn a täng ah ka om mei yah ci kyasei, akhtük ung shin ah mawng gui kä ka ning m’thein gui ah kyak ci.

JOHAN 13:19

Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

JEREMIAH 28:9

Cun ung phi dimdeeih nak ah mawng ng’ cäbang ciah prophet läi cu prophet ah ng’cäbang abä law ah a kyak awn ung va, Bawipa naw akcang ah atüih law ah prophet ah k’bäi ci gui.”

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

ISAIAH 48:16

“Tuhbäi ka pei ah law ne, ka pyen cu ngai lawä. Ak htük ung kei cu akdeidang ah ka ng’thu ci, ka ng’thu angtäi sei akcang ah kyak sak ci.” (Tuhbäi uk tu Bawipa naw a huham na pe ne na tüi ci.)

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

ISAIAH 4:5

Zion m’htung khan la a cun ung ngbum ci gui ami van ah khan ah khaw hnüüp yah ung Bawipa naw khawmei cu tüi law ne, khawmü sangung meikhu la meikdäi khang cu tüi lawk khai. Khanpughi ah bäinang nak naw mang gaw avan cu küm ne shungvong khai.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 33:21

Bawipa naw a bäimang nak cu na m’hnuh gui khai nei mikmi cu tuinu ng’shawng tuihta gui ah pein ung mi om khai, cun ung phi ga gui ah htinpaw cu cun ung kä hteit khai

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

JEREMIAH 8:19

Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?

JOEL 2:27

Israel chang gui, nami lung ah ka om cu, nangmi naw nami hmat khai kei cu Bawipa nami Khanpughi ah ka kyak ci, ahei Khanpughi kä om ci. Ka chang gui cu a u naw kä päipih ba gui khai nei.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.

ZEKHARIAH 9:15

Hlüngtai ciah Bawipa naw a chang gui cu shung vong khai, Ngami naw ami ga gui cu m’di khai gui. Ngami cu awktat ciah mäih ah ng’tuk nak ung ng’hawh shaak khai gui. Ngami naw ami ga gui ah si k’theh khai gui; Cun cu ng’ghu thaa nak ah si ah mäih ah long ne, K’pawng ungka sonkiang ung yu long khai!