ZEKHARIAH 2:5 - Cho Bible Common Language 2016

⁵ Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

ZEKHARIAH 2:5 Referans Kwoze

ISAIAH 4:5

Zion m’htung khan la a cun ung ngbum ci gui ami van ah khan ah khaw hnüüp yah ung Bawipa naw khawmei cu tüi law ne, khawmü sangung meikhu la meikdäi khang cu tüi lawk khai. Khanpughi ah bäinang nak naw mang gaw avan cu küm ne shungvong khai.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

ZEKHARIAH 9:8

Kei naw ka khaw cu ka ngäng khai. Gakap gui naw kä kaan khai gui ah ka k’pang khai. Chang shedam na man ci naw phi kä shedam naba gui khai. Ka chang gui A i hlawk ah ami khüikha cu ka hmu pyi ci nei.”

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 48:3

Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.

ISAIAH 33:21

Bawipa naw a bäimang nak cu na m’hnuh gui khai nei mikmi cu tuinu ng’shawng tuihta gui ah pein ung mi om khai, cun ung phi ga gui ah htinpaw cu cun ung kä hteit khai

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

SAM 48:12

Khanpughi ah chang gui, Zion cu veing ne hteit ne, tänghän gui cu khei vä;

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

SAM 125:2

Kho guui gui naw Jerusalem cu ami kyung ah mäih ah, Bawipa naw a chang gui cu tuhbäi ung tün ne, kho ng’län ung kiung gui ci.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

EZEKIEL 38:14

Cun ah kyasei uktu Bawipa naw ani am a pyen nak gui cu Kok am ka m’thein vai ah kei cu na tüi ci: “Tuhbäi kei ah ka chang gui, Israel gui cu ngaih gep ne ami om yah ung, nang cu tün ne

EZEKIEL 42:20

Cun ah kyasei k’paang ah k’um cu angveing ung metre 250 bäng bäng lawk ci. Cun ah k’paang naw Theingcim ci la kä theingcim cicu m’chak ci.

ZEKHARIAH 2:10

Bawipa naw, “Jerusalem chang gui aw, yei ne ng’äi m’cu vä! Kei cu nami ng’lung ah ka om khai ah ka lawk ci ne!” cik ci.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

JEREMIAH 31:39

Khogii ng’can cu acun ah akhei täng ungka naw kareb m’htung ah khüt ne koah m’htung cu veing ci.

EZEKIEL 47:3

Cun ah chang naw anüt nak ah htung awn, tui lawng aka täng ah ka naw ak kyang täng ah metre phia hma ah nüt neta, tui hei kat ne ka hteh vai ah na m’thein ci. Tui naw a khikhe bäng na han pha ci.

ZEKHARIAH 1:16

Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”