ZEKHARIAH 2:4 - Cho Bible Common Language 2016

⁴ Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.

ZEKHARIAH 2:4 Referans Kwoze

ZEKHARIAH 1:17

Khanchang naw shäu vai ah kei am ana m’thein cu, “M’gäi ciah Bawipa naw a pyen cu, a mang gaw gui cu bühmang ba khai gui, ani naw Jerusalem cu m’htei ba khai, a mang gaw cu ka nab a khai” ciah kyak ci.

MIKHAH 7:11

Jerusalem chang gui, mang gaw paang cawh ba nak vai ah a khin cu gawk lawk ci nei. Cun ah khin ung na khaw ng’shawng law pi khai nei.

EZEKIEL 38:11

Nang naw am gein kaa ah om ciah khopäng cu tuk vai ah na k’bäi khai, acun ung chang gui cu ding gei ne ngaih gep sei, shungvong nak kä om ciah gawpaang ung om ci gui.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ZEKHARIAH 12:6

“Cun ah a khin ung Judah pakhui cu bung ah mei ah mäih, lai htang gong chawng ui ciah mei ah mäih ah ka pyang khai — cun naw a pei ng’leng ah pakhui gui avan cu m’di khai. Jerusalem chang gui cu mang gaw kyong ah phyawng ne om khai gui.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

ISAIAH 49:20

Omk’tu khaw ah ami hta nak ah na chang gui naw, Khohnüüp ät ung, ‘Shin ah kho cu läm aih ci nei, keimi naw om nak vai akdäm kami ng’ya hlük ci nei!’

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

JEREMIAH 31:24

Chang gui cu Judah khaw la gaw nu gui avan ung om khai gui, lo k’bi gui la htome ng’bum ung htomeshäm gui om khai gui.

ISAIAH 33:20

Zum nak ah pawi mi bi nak ah zion, mang gaw cu teng vä. Jerusalem cu teng vä! Cun cu om nak ah nik ciah, ng’geing ciah hmun ah kyak ci nei! Cun cu kä ng’plon phung ciah phung ah mäih ah kyak ci, ak tung gui kä pui mäih phung cu, a gui, gui kä pit phung ci.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

JEREMIAH 1:6

Kei naw ka m’shang ci, “Uk ciah Bawipa kei ka hmaw aih ci, a i hawkcha cha ka ng’htau vai kä ka hmat ci.”

ESTA 9:19

Pigaw hta gui ung om ciah Jew chang gui naw Adar cha ah a hnüüp gha lei phli hnüüp cu yeikyai nak kyiin hnüüp ah k’bäi ci gui, acu hnüüp cu mang ei ami ei nak la ei ami ng’dou thak nak tu ah kyak ci.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

ZEKHARIAH 1:16

Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”

ISAIAH 54:16

Kei naw m’si shep ka tüisho ci, Ani naw mei cik ne, ng’tuk nak vai lik’htei sheh ci. Kei naw gakap phi ka tüisho ci, ani naw lik’htei cu ngawn-sih nak vai ah mang ci.

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.