ZEKHARIAH 2:13 - Cho Bible Common Language 2016

¹³ Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

ZEKHARIAH 2:13 Referans Kwoze

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.

SAM 68:5

Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

SAM 78:65

Ak hnu ah Bawipa cu ip te ciah chang ah mäih ah, sapyit tui aw te ciah chang m’gäi ah mäih ah tho law ba ci.

ROMAN 9:20

Teih püi aw, nang cu a u ah kya ne, Khanpughi cu, cuk chaa na ng’shi hning vai ang! A tüi sho ah chang naw, tüi sho ciah Bawipa cu, “A i ah kya sei, nang naw kei cu shin chaa ah na na tüi sho ang,” cine ng’shi hning khai ang!

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

THULÄÄN NAK 26:15

Theingcim ciah na khankhaw hmun ungka naw yuk teng law ä, na chang gui Israel gui cu hriham yuk pe law gui ä, Kami pupa gui awn na shaitak ah mäih ah na na pek gui ah bühmang ne, anglei nik ciah khaw cu hriham yuk pe law ä.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

JEREMIAH 25:30

“Nang Jeremiah naw, kei naw ka pyen phung cu na ng’shäu vai nei. Nang naw shin ah chang gui na m’thein gui vai cu, Bawipa cu khankho ah m’ngawk khai ak hlüng nak khankho ung hmum kyeek khai. Ani naw ak chang gui hnungtuk ne m’ngawk khai; ani cu sapyit neen ciah chang ah mäih ah m’lau khai. Khomdek khan ah chang nü naw ng’yak khai.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

2 SHONTÄP NAK 30:27

Taigü gui la Levit gui naw chang gui ah khan ah Bawipa naw a phyuh theh vai ah k’thäh ci gui. Khanpughi naw khankhaw a im ungka naw ami taigü gui ng’ya ne dou pe gui ci.

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

THULÄÄN NAK 18:21

Na mät na cäi khai. Prophet ah ng’thu pyen cuBawipa ungka lawk ciah kä a kyak ung a i hawkcha na pyen thei khai aw?

THULÄÄN NAK 18:22

Prophet tumat naw Bawipa ah ming ung ng’thu pyen khai, cun ah ani ah ng’thu pyen cu kä abä law ah a kyak ung, cun cu Bawipa ah thu pyen ah kä kyak ci. Cun ah prophet naw amät ah huham awn a pyen ah kyak ci. Nangmi naw kä nami kyih vai.

ISAIAH 14:2

Bawipa naw a pek nak gui ah khaw ah Israel chang gui ami hteh ba vai ah chang pak hui akda naw m’hteihtang gui khai gui, acu ah chang pakhui gui cu Israel gui ah chang shäm ah kyak khai gui. Israel gui näng gui min ciah chang gui cu Israel gui naw näng ba gui khai gui, ngami yawshe na man ciah chang gui cu Israel gui naw ukgui khai gui.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.