ZEKHARIAH 2:12 - Cho Bible Common Language 2016

¹² Judah cu Bawipa ah a khaw theing ung akbä pi a khawh cham ah kya ba khai. Jerusalem cu mang gaw avan ungka, am hni pikbäih ah kyak khai.

ZEKHARIAH 2:12 Referans Kwoze

ZEKHARIAH 1:17

Khanchang naw shäu vai ah kei am ana m’thein cu, “M’gäi ciah Bawipa naw a pyen cu, a mang gaw gui cu bühmang ba khai gui, ani naw Jerusalem cu m’htei ba khai, a mang gaw cu ka nab a khai” ciah kyak ci.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

SAM 33:12

Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

JEREMIAH 51:19

Jakob ah khanpughi cu ngami ah mäih ah kä kyak ci; ani cu apäng tüipiang ciah tumat ah kyak ci, ani naw Israel gui cu amät ah chang akcang ah ghü gui ci. M’gäi ciah Bawipa cu ani ah ming ah kyak ci.

ISAIAH 41:9

Kei naw khocawi ah ka, ka ning lawpüi gui ci; kei naw shou pikbäih ciah khokem ung ka, ning khü gui ne ka ning pyen nak gui cu, ‘Nangmi cu kei ah ning changshäm gui nei.’ Kei naw kä ka ning hnungtuk püi gui ci, ka ning ghü gui ci.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

SAM 82:8

O Khanpughi, kyum law ne, khomdek khan cu uk law ä; changpakhui avan cu nang ah kaa nei.

2 SHONTÄP NAK 6:6

Cun ung phi tuhbäi kei nami na khawihnah nak vai ah hmun ah Jerusalem cu ka ghü ci, ka chang gui uk khai ah nang, David cu ka ning ghü ci.”

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

SAM 132:14

“Shin cu kei naw ka om nak lä vai ah kyak ci; Shin cu kei naw ka uk nak hlü ah kyak ci.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ZEKHARIAH 3:2

Bawipa ah khanchang naw Satan am, “Satan, nang cu Bawipa naw ning m’kyuk sä! Jerusalem m’hni ciah Bawipa naw ning m’kyuk sä. Shin ah chang cu mei bum ungka lak ah mei tawn ah mäih ah kyak ci nei” cine kyak nak ci.

THULÄÄN NAK 32:10

“Ani naw ngami cu bungpuk ah ng’vak shui u sei hmu gui ci. Cun cu chang ah kä omnak, khaw häu bungpuk,

ESTA 6:13

Ani naw amawng ama avan cu a chu la a teihpüi gui am m’thein tu gui ci. A chu la cüivai ciah a teihpüi gui naw, “Nang ah huham cu tün ne, Mordekai ah kaa ah gawk pyi ci nei. Ani cu Jew ah kyak ci, nang naw kä na näng hlawt khai. Ani naw akcang ah ning näng khai nei” cik ci gui.

SAM 105:15

“Ka ghü ah ka changshäm gui cu kä nami hnim gui vai; ka prophet gui cu kä nami tawn en vai.”

ISAIAH 17:14

Ngami cu mühun ung khih aih vai ah kyak ci gui, cun ung phi khongawi ah maih ci gui nei. Cun cu mikmi ah kho tuhnim gutep ci gui ah hteh nak ah kyak ci nei.

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.