ZEKHARIAH 2:1 - Cho Bible Common Language 2016

¹ Cun kawn ah kei naw a kut ung nüt nak vai ah gui kawt ciah chang cu ka hmu ba ci.

ZEKHARIAH 2:1 Referans Kwoze

EZEKIEL 40:3

Ani naw na ng’et sak khäta, kyei ah mäih ah pyi ciah chang tumat cu ka hmuk ci. Ani cu nüt nak vai ah linen gui la nüt nak ah htung cu kawt ne, m’kawt ung ng’düi ci.

ZEKHARIAH 1:16

Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”

THU PHLAAN 21:15

Kei nang thu püi ciah khankho chang ah kut ung mang gaw ni, mang gaw m’kawt gui ni, la mang gaw päng gui nüt nak vai ah ghui ng’mui pum om ci.

THU PHLAAN 11:1

Khankho chang naw kei-am nüt nak vai htung tumat na pe netah, “Hteit ne Khanpughi ah pum im la sonkiaang cu na nüt vai nei, pum im ung khawihnah ci gui phi na khei gui vai nei.

EZEKIEL 47:4

Cun kawn ah ani naw metre phia hma nü ba mä sei, tui naw ka m’khuuk han pha ci. Cun aung ka naw metre phia hma vang nawn ba ung, tui naw ka khei han pha ci.

EZEKIEL 40:5

Kei naw ka hmuh cu Taigüim ah kyak ci, cun cu veing ne ami paang ah kyak ci. Chang tumat naw nüt nak ah htung cu lak ci, cun cu metre thum ah ng’ng’shäi ci, acun awn ani naw k’paang cu nüt ci. Cun cu metre thum ah hlü ne, metre thum ah shah ci.

ZEKHARIAH 1:18

Cun kawn ah kei naw ka ng’mang ung seiki phli cu ka hmu ba ci.

JEREMIAH 31:39

Khogii ng’can cu acun ah akhei täng ungka naw kareb m’htung ah khüt ne koah m’htung cu veing ci.

EZEKIEL 47:3

Cun ah chang naw anüt nak ah htung awn, tui lawng aka täng ah ka naw ak kyang täng ah metre phia hma ah nüt neta, tui hei kat ne ka hteh vai ah na m’thein ci. Tui naw a khikhe bäng na han pha ci.

ISAIAH 54:16

Kei naw m’si shep ka tüisho ci, Ani naw mei cik ne, ng’tuk nak vai lik’htei sheh ci. Kei naw gakap phi ka tüisho ci, ani naw lik’htei cu ngawn-sih nak vai ah mang ci.

JEREMIAH 48:25

Moab ah m’gäi nak cu ami den pyi nei; ani ah huham cu ami m’di pyi nei. Kei, Bawipa naw ka pyen nei.”

DANIEL 7:7

Kei naw ka teng sang ung ak phli nak ah khiküi dang lawk ci. Ani cu huham mah ne, kyih she ne kyihkyawk vai ah kyak ci. M’sii ah mäih ah a haa nu gui awn a lawh gui cu m’kyem ne, ami khan ah kai na gui ci. Ani cu ahei gui ah mäih ah kä kyak ci, a ki gha lawk ci.