ZEKHARIAH 14:2 - Cho Bible Common Language 2016

² Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

ZEKHARIAH 14:2 Referans Kwoze

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 34:1

Bawipa naw kei na ng’thu püi ci, cun cu Babilonia ghangpughang la agakap gui, changpakhui avan la pakhui gui ah gakap gui naw ng’düih püi u sei Jerusalem la a pei yung ah gawnu gui ami tuk law sanung ah kyak ci.

ISAIAH 65:18

Kei naw ka tüisho ah mawng ung angtäi sei yeikyai vä. Kei naw ka tüisho ah Jerusalem k’thai cu zeikiak nak awn be khai, ani ah chang gui cu yei kiai khai gui.

JEREMIAH 21:4

Cun cu Israel khanpughi ah ng’thu Zedekiah am m’thein vai ah kyak ci, ani naw pyen ci, “Zedekiah, Babilonia ghangpughang la a gakap gui hnungtuk ne ng’tuk ci gui ah na gakap gui cu kei naw ka hnim lawk khai nei. Na gakap gui ah likhim gui cu mang gaw ah ng’lung ung ka k’bum khai nei.

EZEKIEL 5:8

Cun ah kyasei kei, uktu Bawipa naw ka ning m’thein ci, kei cu nang ah ga ah ka kyak ci. Chang pakhui gui ami van naw ami hmuh hning vai ah nang ah khan ah m’khoi cho nak cu ka gawk sak khai.

JOEL 3:9

“Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

ZEKHARIAH 12:2

“Kei naw Jerusalem cu sapyit khap ah mäih ah ka pyang khai; a pei ng’leng ah pakhui gui naw, aw u neta, awktat ciah mäih ah kyu ng’täng khai gui. Jerusalem cu koi u ne ami tuk law ung, k’pawih ba ciah Judah mang gaw gui phi koi gui khai gui.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

ZEKHARIAH 12:9

Cun yah ung Jerusalem tuk khai ah k’thanak ci phung cu kei naw ka m’di khai.

ISAIAH 4:3

Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.