ZEKHARIAH 14:1 - Cho Bible Common Language 2016

¹ M’khoicha nak ung Bawipa ah ngoh nak vai ah hnüüp cu ng’et lawk ci. Jerusalem cu gut tep khai gui, ami guh ah khawh cu na mik ah hmuh ah ng’tei ng’pai khai gui.

ZEKHARIAH 14:1 Referans Kwoze

ISAIAH 13:9

Bawipa ah hnüüp cu law sang ci nei — cun cu ani ah am lungshe nak la amlungso nak ah hnüüp she ah kyak ci nei. Khomdek cu khaw käu ah kyak khai, shetkat nak bik ciah chang pang cu m’di khai nei.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

JOEL 3:14

Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

ZEKHARIAH 14:14

Judah chang gui naw Jerusalem cu shungvong ne ng’tuk bik khai gui. Ngami naw pakhui avan ah khawh cu gut tep khai gui — ghui, ngui la suisak gui cu ng’plum ne ng’phluk khai.

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.