ZEKHARIAH 12:8 - Cho Bible Common Language 2016

⁸ Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

ZEKHARIAH 12:8 Referans Kwoze

ZEKHARIAH 9:8

Kei naw ka khaw cu ka ngäng khai. Gakap gui naw kä kaan khai gui ah ka k’pang khai. Chang shedam na man ci naw phi kä shedam naba gui khai. Ka chang gui A i hlawk ah ami khüikha cu ka hmu pyi ci nei.”

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

MIKHAH 7:16

Chang pakhui gui naw a cun gui cu hmu u neta, ami gai nak vaisü ung, ami tha ng’haam sei, ami m’gawng k’bawm u ne, ami hnga phi paang khai nei.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

JOEL 3:10

Lai thawn nak ah m’si gui cu khim ah shep vä nami ng’vin gui cu k’htei ah shep vä. Aktha ken ci naw phi ng’tuk bik khai nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

THU PHLAAN 22:13

Kei cu Alpha la Omeka, akhtük bäih la akhnu bäih, tün ka la khüm nak ah ka kyak ci” cine pyein ci.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

HOSEA 12:3

Ami pupa Jakob cu ang phi püi ah anau Esua awn ngani cu ani nu ah puk kyong ung, ani om yah ge ung ng’tuk ci goi. Jakob cu ng’vai law neta, Khanpughi hnungtuk ne ng’tuk püi ci.

JEREMIAH 27:10

Ngami naw ning m’hleei gui ci gui. Nami khaw ungka naw ahei ah ami ning htek püi gui vai ah ning ci gui khai gui. Kei naw nau gmi cu ka ning k’täm gui khai, nangmi cu nami di khai.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

SAM 82:6

Kei naw ka pyen cu, Nangmi cu ‘Khanpughi hta gui’ ah nami ki yak ci; Nami van cu ‘A Hlüngtai Säih ah hta gui’ ah nami kyak ci.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

PHYAWN NAK 14:19

Khanpughi ah khanchang Israel gui ah ma ah om ci cu, ami hnu ah hteit ba ci, khaw ng’mei von cun phi ng’nawng ne,

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

TAIGÜTHUM 26:8

nangmi chang hma naw chang phia nami m’khüt khai, chang phya naw chang phia phia nami m’khüt khai.

JOSHUA 23:10

Nangmi ungka chan tumat naw chang phia khak dawng khai ah bi hning ci, a i ah kyasei ci ung a shaitak ah mäih ah Bawipa Khanpughi naw nangmi ah phäh ah ng’tuk bik ci.

SAM 8:5

Nang naw chang cu Khanpughi ah mä api hta ng’neim ba khai ah na tüi ci; hlüngtai nak la m’taam khah nak cu na k’bün ci.

ISAIAH 31:4

Bawipa naw a na pyen nak cu, “htoshäm gui naw a i ah ng’hawh ne ami m’lau ung phi, sa lou ne ei ciah phongkawng cu kä k’täm hlawt ci gui, a cunah mäih ah migäi ciah kei Bawipa cu zim khomhtung ka shung vong nak ung ka a u naw kä nak pang m’khüt khai.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

ISAIAH 33:24

Mi khaw ung om ciah chang tumat naw phi, gawpyam ciah pyen ne ng’thu kä m’da ba phung khai, katnak avan cu m’gein sei nak om khai.

ZEKHARIAH 10:7

Israel chang gui cu gakap ah mäih ah thamah khai gui; Sapyit tui awk ciah chang ah mäih ah yeikyai khai gui. Ami htangshon naw shin ah näng nak cu gah khai gui, Bawipa ah bii bi ah hmawk ah yeikyai khai gui.