ZEKHARIAH 12:2 - Cho Bible Common Language 2016

² “Kei naw Jerusalem cu sapyit khap ah mäih ah ka pyang khai; a pei ng’leng ah pakhui gui naw, aw u neta, awktat ciah mäih ah kyu ng’täng khai gui. Jerusalem cu koi u ne ami tuk law ung, k’pawih ba ciah Judah mang gaw gui phi koi gui khai gui.

ZEKHARIAH 12:2 Referans Kwoze

ZEKHARIAH 14:14

Judah chang gui naw Jerusalem cu shungvong ne ng’tuk bik khai gui. Ngami naw pakhui avan ah khawh cu gut tep khai gui — ghui, ngui la suisak gui cu ng’plum ne ng’phluk khai.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

THU PHLAAN 14:10

Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:7

Babilonia cu kei ah kut ung om ciah ghui khap ah mäih ah kyak ci, acun naw khomdek khan avan awk tat sak ci nei. Pakhui gui naw a shin ah wine cu aw u ne vämhtam ci gui.

JEREMIAH 49:12

“M’kyuk vai ah kä kyak ciah chang gui hman naw m’kyuk nak ah khap ami awk ah a kyak ung, nangmi cu kä m’kyuk ah nami hteit khai ah nami ngai ne ma? Ka nei, nangmi cu awn ah khap ung nami awk khai nei!

JEREMIAH 25:17

Kei naw khap cu Bawipa ah kut ungka ka lak ci, Bawipa naw ana tüih law changpakhui avan am ka pe gui ci, cun kawn ah ka awk sak gui ci.

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.