ZEKHARIAH 12:12 - Cho Bible Common Language 2016

^12-14 Cun ah khaw ung kyong khui päng cu ami mät kyap khai gui. David ah ng’shon kyong khui, Nathan ah ng’shon kyong khui, Levi ah ng’shon kyong khui, Shimei ah ng’shon kyong khui la ahei kyong khui ami van cu thüi kyap khai gui. Ami kyong khui phäh phäh cu kyap khai gui. Kyong khui ung pami gui la hnumi gui cu a phäh phäh ah kyap khai gui.

ZEKHARIAH 12:12 Referans Kwoze

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

LUKA 3:31

Eliakim cu Melea ah hta, Melea cu Menna ah hta, Menna cu Mattatha ah hta, Mattatha cu Nathan ah hta, Nathan cu David ah hta;

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”

2 SAMUEL 5:14

Shin ah ak hmaw gui cu Jerusalem ung a hta nak gui ah kyak ci: Shammua, Shobab, Nathan, Solomon gui ah kyak ci: Shammua, Shobab, Nathan, Solomon,

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

JOEL 2:16

Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

2 SAMUEL 12:1

Bawipa naw prophet Nathan cu David ah tüi ci. Nathan naw ani ah hteit neta, “Pigaw ät ung om ciah chang hnih om ci goi; tumat cu bühmang ci, tumat cu dukhaih ci.

PHYAWN NAK 12:30

Cun ah mü ung ghangpughang, a bawi gui la Egypt chang gui ami van cu tho lawk ci gui. Egypt khaw avan ung m’lau ne kyap ci gui, a i ah kyasei ci ung a hta kä si tuk ciah im a u kä om ci.

ZEKHARIAH 12:11

Cun ah khin ung Jerusalem ah thüi kyah nak cu Mekiddo khawdo ung Hadad Rimmon ah hmawk ah thüi kyah ah mäih ah dämduh khai nei.