ZEKHARIAH 12:10 - Cho Bible Common Language 2016

¹⁰ “Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

ZEKHARIAH 12:10 Referans Kwoze

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

ROMAN 8:26

Acun sang ung Mumcha naw ak tha ken ciah mikmi cu nam htei gui khai ah gawk lawk ci. Mikmi naw a i chaa taigü vai kä mi hmat ci; m’gawng shai awn kä pyein thei vai ah ak aw awn, Mumcha amät naw, mikmi ah hmawk ah Khanpughi ah na ng’yoih pe gui ci.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

LAMKTU 11:15

Cun kawn ah kei naw tün ne thu ka pyein law yah ung, Mumcha Theing cu a htük ung keimi ah khan ah a gawk law ah mäih ah, ngahmi ah khan ah phi gawk law ci.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

JEREMIAH 50:4

Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 32:15

Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

SAM 51:12

Na hun nak ungka lawk ciah yeikyai nak cu na be tu ba ä, ka ning läk nak vai ah na ng’yak hlü ah na pyang ä.

MATTHE 26:75

Acun vai-am ai khong law khätah,’ ai kä a khon pha ung nang naw kei cu, ani kä ka hmat ci nei, cine thum-vei na na mak khai,” cine Bawipa Jesuh naw a kyak nak te cu, shüm law ba netah, ak pung ah hteit ne ang htei ah thüi ne kyap ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

NG'THU K'THUUK~ 4:3

Ka nupa ah hta tumat kei ka hmaw hta yah ung,

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

JEREMIAH 31:19

Keimi naw nang kami ning hlah tak ci, Cun ung phi tuhbäi kami ng’hlat law ba hlük ci nei. Nang naw na na m’kyauk gui kawn ah, keimi cu kami lu bat ne kami thüi ci nei. Keimi cu lung aa ne kami thui hmai ci nei. A i ah kyasei ci ung keimi cu kami hmaw sang ung kami hmakak ci nei!

EZEKIEL 20:43

Cun kawn ah nangmi naw nami bi ah ak shesham gui la nami mät naw nami mät a i hlawk ah nami lelawi sak cu nami shüm ba khai. Nangmi naw nami bi ah ak shekha avan ah phäh ah nami mät naw nami mät nami shemshai khai.

EZEKIEL 37:14

Kei naw ngami ung ka ng’ghi nak yuk thun ne, ka ghin ba sak gui khai, cun kawn ah ami mät ah khaw ung ka om sak gui khai. Cun kawn ah ngami naw kei cu Bawipa ah na hmat khai gui. Kei naw shin gui ka bik khai ah shai ka tak ci — kei naw ka bik khai. Kei, Bawipa naw ka pyen nei.”

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

ATÜNNAK 45:1

Joseph naw am lung kä k’üüp law ba hlawt neta, a changshäm gui cu a hei ah hteh sak gui ci. A pei ah a u kä om ba khäta, ani a u ah a kyak cu a phäi gui am m’thein gui ci.

ATÜNNAK 45:2

Ani cu m’lau ne kyap khäta, Egypt chang gui naw ng’ya u ne, mang im kyong ah khüt sei pyen ci gui.

KHEI NAK 21:9

Cun ah kyasei Moses naw kyei phyu gup pyang ne, k’tung ung tai ci. A u chang phi phyu naw akdawh ung acun ah kyei phyu gup ateng ung gai ba ci.

1 SAMUEL 7:2

Thukhän M’küm cu Kiriah Jearim ung akshou om ci, kum ku om ci. Cun ah ah khui ung Israel chang gui ami van cu Bawipa naw am htei gui vai ah kyap ne taigü ci gui.