ZEKHARIAH 12:1 - Cho Bible Common Language 2016

¹ Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

ZEKHARIAH 12:1 Referans Kwoze

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

JEREMIAH 51:15

Bawipa naw a huham awn khomdek cu pyang ci; A cüivai nak awn khomdek khan cu tüi pyang ne, Khankho cu ng’phiah sak ci.

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

HEBRU 12:9

Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

EZEKIEL 18:4

Chang nü ah ghin nak cu kei naw ka k’pang ci, nupa gui ghin nak phi ka k’pang cik, hta nau gui ah ghin nak phi ka k’pang ci. Katnak bik ciah Chang cu sik khai ah kyak ci.

JEREMIAH 38:16

Cun ah kyasei ghang pug hang Zedekiah naw adüm ah shai tak ha pek ci, “Kei cu ghing ciah khanpughi ah kyak ci, kei naw sih nak kä ka ning pek khai, käcung nang ning ngawn hlük ciah chang gui am kä ka ning ap khai.”

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

JOB 26:7

Khanpughi naw a siip täng khomik cu k’phiäih ne Khomdek cu khohäu ung bat ci.

JEREMIAH 10:12

Bawipa naw khomdek cu a huham awn pyang ci; A cüvai nak awn khonglei cu tüisho ne khankho cu ng’phiah sak ci.

ISAIAH 51:13

Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

ISAIAH 40:22

Cun cu khomdek ah khan, khomik ah hnu ung, amät ah mang kiang ung ngok ci naw apian nei; m’dek khan ung om ciah chang gui cu m’ling hta gui ah mäih ah kyak ci gui nei. Ani naw khomik cu zidung ah mäih ah k’phiat sei, ak kyong ah om nak vai ah phung ah maih ah kyak ci:

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

MALAKHI 1:1

Shin cu Malakhi naw Israel chang gui am am thein gui vai ah Bawipa naw a pek ah ng’thu ah kyak ci.

ZEKHARIAH 9:1

Shin cu Bawipa ah ng’thu ah kyak ci. Ani naw Hadrak khaw la Damaskas mang gaw cu m’kyuk ci. Bawipa naw Israel khaw bäng ah kä kyak ci, Siria mang gaw phi khäm ci.

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

JOB 37:18

Khanpughi naw khomik ng’shawng sak ne m’shilung ah mäih ah m’liu khai ah ang m’li sak vai ah nang naw na bawm hning ne ang?

ATÜNNAK 1:8

Khanpughi naw khomik cu “Khankhomik” ah sui ci. Mühun la khongawi ng’tün ne ak hnüüp goi nak ah kyak ci.

SAM 134:3

Bawipa, khankho la khomdek pyang ci naw, Zion m’htung ung om ne hriham ning pe gui sä!