ZEKHARIAH 11:8 - Cho Bible Common Language 2016

⁸ Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

ZEKHARIAH 11:8 Referans Kwoze

JOHAN 15:18

M’Dek chang naw ami ning gen gui ung kei na gen ma ci gui ah nami hmat vai nei.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

HOSEA 5:7

Ngami cu Bawipa ung kä bekhüt ci gui. Ami hta nau gui naw ani cu kä khäm ba ci gui. Cun ah kyasei tuhbäi ngami la ami khaw gui cu di law ge khai.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

JEREMIAH 14:21

Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

JEREMIAH 12:8

Kei ah ka ghü ah chang gui naw na hnu na ne na ng’hlah tak ci gui nei; khopya ah om ciah kawng ah mäih ah kei cu na m’ngawng ci gui, cun ah kyasei kei naw ka thüi na gui ci.

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

TAIGÜTHUM 26:44

Cun tu pang ung phi, ngami cu ami ga gui ah khonglei ung ami om tu yah ung kei naw akbe ah kä ka nawng gui khai, kä ka m’di gui khai. Ngami awn thu ka khän cu a cun naw ng’pyi sak khai, kei cu Bawipa nami Khanpughi ah ka kyak ci.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

SAM 78:9

Ephraim chang gui cu li la m’la kawt pang u ne phi, ng’tuk law ung dawng ci gui nei.

SAM 5:5

Nang cu chang k’awm ci gui täng ah kä na ng’düi ci; Nang naw changshe gui avan cu na thüi nak ci.

JEREMIAH 6:30

Ngami cu a phu kä om ciah ang eek ah khü gui vai nei, a i ah kyasei ci ung kei, Bawipa naw ka hnungtuk gui pyi ah kyak ci.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.

EZEKIEL 16:45

Nangmi cu akcang ah name nu ah ning hta hnumi gui ah name kyak ci. Ani naw a cei la a hta gui cu gen ci. Nangmi cu a cei gen ne a hta gen ciah name pui gui ah mäih ah name kyak ci. Nanglah na be Nomi gaw gui ah nu cu Hittit chang ah kyak ci, ami pa cu Amorit Chang ah kyak ci.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

1 GHANGPUGHANG GUI 11:25

Ani cu Solomon a ghin ah chuih Israel gui ah ga ah kyak ci.