ZEKHARIAH 11:3 - Cho Bible Common Language 2016

³ Uktu gui cu ng’pyang ne kyap ci gui; ami bämang nak cu ng’pyi pyi ci. Phong kawng gui ah m’ngaw cu ngai vä, Jordan lawng yung ah ami hmun khaw cu di pyi ci nei.

ZEKHARIAH 11:3 Referans Kwoze

JEREMIAH 50:44

“Jordan lawng yung sing shah ciah bung ka khu m’kim khaw ungka phong kawng a luh law ah mäih ah, kei, Bawipa cu law ne, Babilonian gui ami mang gaw ungka ang ghit ah dawng khai gui ah ka cik khai. Cun kawn ah kei naw ka ghü ah ang vain aw khui khaw cu uk khai. Kei awn m’täng hning vai a u om khai ang? Kei na ng’küknet püi khai a u om khai ang. A i uktu naw kei na hnu na hning khai ang?

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

ZEPHANIAH 1:10

Bawipa naw, “Cun ah hnüüp ung Jerusalem ah nga ah m’kawt ung kyah ah k’aw gui cu nami ng’yak khai. Mawng gaw k’thai lam ah ng’hmum ci la khomhtung ah kai ne ng’güüt ciah k’aw cu nami ng’yak khai.

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

SAM 22:21

Kawng gui ah m’gawng ung nak phyawn nä; Shin ah se nget gui ung kei nak phyawn khai kä om ci nei,

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

ZEKHARIAH 11:2

M’htai ghing gui m’lau ne ng’pyang vä — Cedar sing ghing gui cu kyu yawp ci gui nei. Bä ciah cun ah sing ghing gui cu di yawp ci gui nei. Hniim ciah bung cu ami chuk vok pyi ah kyasei, Bashan m’shiing ghing gui m’lau ne ng’pyang vä!

EZEKIEL 19:2

Nangh ah na nu cu phong kawng anu acang ah kyak ci nei! Ani naw a hta gui cu kyih vai phong kawng ak hla gui ah ng’lung ah m’ghin gui ci nei.