ZEKHARIAH 11:11 - Cho Bible Common Language 2016

¹¹ Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.

ZEKHARIAH 11:11 Referans Kwoze

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.

LUKA 23:51

Ani cu changni changdüng ah kya ne Khanpughi ah uknak kho a gawk law vai cu ging ciah chang ah kyak ci. Ani cu kongci ng’vai ah a kyak ung phi, ang vai gui ah k’bäi nak la bi nak cu kä yum tuk ciah kyak ci.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

LUKA 7:22

Bawipa Jesuh naw Johan ah tüih law gui-am, “Hteit ba ne nami hmuh nami ng’yak cu Johan-am m’thein ba vä; amik m’dauh ci gui m’dei ba ci gui, akho ng’khem ci gui hteit ba thei ci gui, kheilei ung gaw ci gui theek ba ci gui, ak hnga pang ci gui ng’ya ba ci gui, sik ci gui ghing ba ci gui, dukhaih ciah chang gui naw ng’Thu Ni ng’ya pyi ci gui nei.

LUKA 2:38

Ak hmaw ami ap law sang ung cun ah hnumi cu gawk law netah, Khanpughi m’hlüngtai ci! Cun kawn ah Jerusalem cu hun lawk khai’ ciah ngäng ci gui ah chang gui-am, ak hmawhta ah mawng cu m’thein gui ci.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

ISAIAH 8:17

Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

2 SHONTÄP NAK 9:14

Cun cu sumlei chang gui la ng’dou ng’pek ci gui naw ak phlam ami pek awn ah a gah ah kyak ci. Arabia ghangpughang gui la Israel khopäng gui uktu gui naw phi ghui la ngui cu law püi ci gui.

JEREMIAH 32:8

Acun ah Bawipa naw a pyen ah mäih ah, Hanamela cu mang im väng kyong ah kei ah law ne, khaw ka hleih ah kei na ng’thu püi ciah ka hmat ci.