ZEKHARIAH 10:8 - Cho Bible Common Language 2016

⁸ “Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.

ZEKHARIAH 10:8 Referans Kwoze

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

ISAIAH 7:18

Cun ah khin a gawk law ung, Bawipa naw m’hnüt nak ah tum ne, Nile tuinu ah sho pik bäih ciah tuihta gui ung ka, Egypt chang gui cu k’pi gui ah mäih ah ami law vai la, Assirian gui cu ami khaw ung ka khoi gui ah mäih ah ami law vai ah k’bäi gui khai.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

ZEKHARIAH 9:11

Bawipa naw, “Küikyan nak ah si awn m’hnüt ne, Nang awn thukhän ka bi ah hmawk ah Na chang gui cu ka m’hlawt gui khai nei — Tui kä om ciah khui chawng ungka, Ka k’phyawn gui khai nei.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

PHYAWN NAK 1:7

Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

ISAIAH 7:19

Ngami cu lung chawng kho ng’nawi gui, lung khui gui ung ng’phäi u ne, ng’hlingk’cam gui la khulim khaw gui nü küm khai gui.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”