ZEKHARIAH 10:7 - Cho Bible Common Language 2016

⁷ Israel chang gui cu gakap ah mäih ah thamah khai gui; Sapyit tui awk ciah chang ah mäih ah yeikyai khai gui. Ami htangshon naw shin ah näng nak cu gah khai gui, Bawipa ah bii bi ah hmawk ah yeikyai khai gui.

ZEKHARIAH 10:7 Referans Kwoze

ZEKHARIAH 9:15

Hlüngtai ciah Bawipa naw a chang gui cu shung vong khai, Ngami naw ami ga gui cu m’di khai gui. Ngami cu awktat ciah mäih ah ng’tuk nak ung ng’hawh shaak khai gui. Ngami naw ami ga gui ah si k’theh khai gui; Cun cu ng’ghu thaa nak ah si ah mäih ah long ne, K’pawng ungka sonkiang ung yu long khai!

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

LAMKTU 2:26

Cun ah kyak sei kei cu yeikyai nak awn küm be neh, kang thu m’gawng ung phi yeikyai nak ah ng’thu be ci. Kei cu sih nak ma nak ciah chang ah ka kyak ung phi, ngaih u nak awn dim deeih nak om khai nei.

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

LUKA 1:47

Khanpughi Hunbawi hmawk ah ka mümcha yeikyai ci,

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

ZEPHANIAH 3:14

Zei ne ng’äi vä, Israel chang gui! Na m’lung kyong avan yeikyai ä, Jerusalem!

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

ISAIAH 66:14

A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”

ISAIAH 38:19

Kei naw tuhbäi ka ning m’tam ah mäih ah ghing ci naw nei ning m’tam ci. Pa gui naw ami hta gui am Nang a hlawk ah nabekhüt cu m’thein ci gui nei.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

SAM 102:28

Kami hta nau gui cu phyawng ne om khai gui, nang ah shung vong nak ka ah ami hta ng’shon gui cu phyawng m’hteim khai gui.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

ATÜNNAK 43:34

Buh cu Joseph ah tawnglang ungka lawh gui ci gui. Benjamin cu a phäi gui ah ta a hma ah däm pi khai ah pek ci gui. Ngami cu Joseph awn a täng ah ei aw ne yeikyai ci gui.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

SAM 90:16

Bä ciah na hnün thawh nak cu na changshäm gui am na hmuh sak gui ne, chün ciah na m’gäi nak cu kami hta ng’shon am hmuh sak gui ä.

SAM 33:21

Mikmi cu ani ah hmawk ah mi yei ci; aming theing ung mi ng’ap ci.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.