ZEKHARIAH 10:5 - Cho Bible Common Language 2016

⁵ Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

ZEKHARIAH 10:5 Referans Kwoze

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

ZEKHARIAH 9:13

Kei naw Judah gui cu Gakap ah li ah mäih ah, Israel gui cu Gakap ah m’la ah mäih ah, ka mang khai nei. Kei naw Zion chang gui cu Kreece chang gui tuk nak vai ah Khim ghaat ah mäih ah ka mang ba gui khai.”

SAM 20:7

Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

LAMKTU 7:22

Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

ZEKHARIAH 14:13

Cun sangung Bawipa naw ng’caw ng’cam kyihkyawk sak gui sei, a chang päng naw a paw tu that sei ng’toh ng’pah khai gui.

ZEKHARIAH 14:3

Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.

ZEKHARIAH 12:4

Cun ah khin ung ami ng’se gui avan la ng’cum ci gui avan cu aknui ah ka ang sak gui khai. Cun ung phi Judah chang gui cu ka ngäng gui khai, ami ga gui ah ami ng’se gui ah ami mik ka m’dauh sak gui khai.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

AMOS 2:15

Likaap gui cu ami ng’lei ung kä ng’düi hlawt khai gui, dawngah gai ci gui cu kä dawng hlawt khai gui. Ng’se cuum ciah chang gui naw ami hnun gui kä phyawn hlawt khai gui.

EZEKIEL 38:15

a siiptäng na hmun ungka naw, ami van k’se ng’cum ci gui ah, changpakhui akda ungka, huham ah ne dämduh ciah gakap gaphung awn na lawk khai.

ISAIAH 41:12

Cun kawn ah khomdek ung kä ng’dang tu ba khai.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 8:9

Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

SAM 45:3

M’gäi ciah ghangpughang, na khim bah ä; Nang cu bämang ne na hlüngtai ci nei.

SAM 33:16

Ghangpughang naw huhamah ciah gamaw awn näng nak kä gah ci, Bawi gaakap naw ghat ciah k’thagui awn m’khüt nak kä hmuk ci.

SAM 18:42

Kei naw ka güt gui ci, ngami cu m’vut ah mäih ah kyak ci gui, kho khi naw zon gui ci. Lam ung om ciah ng’awt ah mäih ah kei naw ka ghawt gui ci.

2 SAMUEL 22:43

Kei naw ka deng gui ci, ngami cu m’vut ah kyak ci gui; Lam ung om ciah ng’nai ah mäih ah kei naw ka kai na gui ci.

2 SAMUEL 22:8

Cun kawn ah khomdek ng’thüng ne thüüng ci; Khomik ah aphung akung cu hnün ne ng’khäi ci, A i ah kyasei ci ung Khanpughi m’lungshe sei nei!

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

JOSHUA 10:14

Cau phi shin ah mäih ah kä kia man ci, ngawi ah phi shin ah mäih ah kä kia ba khai. Hnicim chang ah thu Bawipa naw a ngaih yah ung shin ah mäih ah khaw hnüüp cu kyak ci. Bawipa cu Israel gui täng ah om ne ng’tuk bik ci.

THULÄÄN NAK 20:1

Nangmi hteit ne nami ga gui nami tuk law vai a kyak ung, nangmi naw yatha gui la sela gui ni, nangmi ah ta da pi ciah gakap gui ni nami hmuk khai. Cun ung phi kä nami kyih gui vai. Bawipa nami Khanpughi, Egypt khaw ungka ning gung gui ci naw a täng ah ning om püi gui khai.

THU PHLAAN 19:17

Cun kawn ah khohni ung khankho chang tumat ng’düi sei ka hmuk ci. Ani naw khan ah yawng ciah kha gui-am, “Law vä, Khanpughi ah mang ei cu ei law vä!

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

LAMKTU 18:24

Cun yah ung Alexandria ah kaa Apollos ming nak ciah Judah chang tumat cu Ephesus ah lawk ci. Ani cu ang htei ah ng’thu m’gawng thei ne cacim phi hmat ciah chang ah kya ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

SAM 44:5

Na mät ah huham awn kami gaa gui cu kami hnim ci.

ISAIAH 41:25

“Kei naw ak kyang täng ung om ciah chang tumat cu ka ghü ci nei; A siip täng ung ning tu law gui khai ah ka law püi khai nei. Ani naw uktu gui cu, ng’nai ah mäih ah, k’am shep ci naw k’am dek a neen ah mäih ah kai na gui khai nei.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

2 GHANGPUGHANG GUI 9:33

Jehu naw ngami am, “Yuk cha law vä!” cik ci. Ngami naw yuk cha law u khäta, k’pang ung ni, ng’se gui ah khan ni ah asi ng’phyuh ci. Ani ah a pum ah khan ah Jehu naw ng’se gui la yatha awn kai na neta,

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.