ZEKHARIAH 10:3 - Cho Bible Common Language 2016

³ Bawipa naw, “Ka chang gui uk gui ci gui ah a khohei chang gui ah khan ah ka m’lungshe ci, ka m’kyuk law gui khai nei. Judah chang gui cu ka chang gui, Kei, Hlüngtai ciah Bawipa naw, ka m’hteihtang gui khai. Ngami cu huham mah ciah ng’tuk nak ng’se ah kyak khai gui.

ZEKHARIAH 10:3 Referans Kwoze

EZEKIEL 34:2

Ani naw pyen ci, “Hnicim chang, Israel gui ah uktu gui cu m’shukcha gui ä. Ngami ah khan ah ng’cängbang ne, kei, uktu Bawipa naw ngami ka pyen nak gui cu m’thein gui ä. Israel gui ah htomeshäm gui, nangmi nami ng’ziin ci nei! Nangmi nami mät naw nami mä m’htei htang u ne htome gui kä nami tengkhen ci.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

NG'THU K'THUUK~ 21:31

Nangmi naw ng’tuk bi nak vai ng’se nami gah ge khai, cun ung phi näng nak pek cicu Bawipa ah kyak ci.

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

LUKA 1:68

“Israel gui ah Khanpughi Bawipa cu m’hlüngtai tu vä, Ani cu akchang gui m’htei gui khai ah law ne, phiawn sak gui pyi ci nei.

RUT 1:6

Api shou hta khatä, Bawipa naw ami chang hui awn hriham pe sei, ei awk vai ada cu, Naomi naw ng’yak ci; cun ah kyasei a hta goi ah chu gai awn a täng ah Moab kho nawng shut ne hteh vai ah pawng ci gui.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

ZEPHANIAH 1:8

Bawipa naw, “Cun ah ngawn sheh hnüüp ung bawi gui, ghangpughang ah hta gui la chang khui hei ah thungyo läk ci gui cu ka m’kyuk gui khai.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

JEREMIAH 11:22

Cun ah kyasei m’gäi ciah Bawipa naw pyen ci, “kei naw ka m’kyuk gui khai nei. Ami hta nau gui cu ei ah cawi ne sik khai gui.

JEREMIAH 10:21

Kei naw ka m’hlan ci, “mi ng’vai hta gui cu gu aang ci gui; ngami naw Bawipa naw lam ana m’shüm gui vai ah kä k’thäh ci gui. Acun cu ngami ah ami shum nak ah kyak ci, cun ah kya ne mi chang gui cu püi pyang ci gui.

ISAIAH 24:21

Akhan ung huham gui la khomdek uktu gui Bawipa naw am kyuk nak gui vai ah akhin cu gawk lawk ci nei.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

SOLOMON NG’Ä~ 1:9

Nang ka m’hni aw, Pharaoh ah yatha ung ng’se khla gui cu, ng’senu naw ami tha a thawh sak ah mäih ah pami gui ah tha cu na thawh sak ci nei.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.

DANIEL 11:32

Ami yum nak nawng shüt ciah chang gui cu ghangpughang naw m’hleeihlak gui ne, amät täng ah ami kyak vai ah ci gui khai. Cun ung phi Khanpughi läk ciah chang gui naw ng’tuk püi tuba khai gui.

JOB 39:25

Ngami cu pyung puk ami tum päng ung ami hna ung phiit ci gui. A shou nak ah ka naw ng’tuk nak ah chim cu hät u ne, Gabawi gui ah m’lau cu ng’yak ci gui.

EZEKIEL 34:11

“Kei, uktu Bawipa naw ka ning m’thein gui ci, kei ka mät naw ka htome gui ka shui ba khai, ka m’htei htang gui khai.