ZEKHARIAH 10:2 - Cho Bible Common Language 2016

² Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

ZEKHARIAH 10:2 Referans Kwoze

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

HABAKKUK 2:18

Agup cu a i ah mang vai ang? Cun cu chang ah pyan ah kyak ci, cun naw a i phi kä ning m’thein gui khai, cun ung phi ning m’hleei gui khai. Ani yum ciah pyang ciam, ani naw nik ci a i ang abi pek, ani cu ng’thu ah phi kä ng’thu thei ciah khanpughi ah kyak ci!

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

EZEKIEL 34:5

A i ah kyasei ci ung htome gui ung htome shäm kä om ci, ngami cu püipiang ci gui, khisa gui naw lo ne ei gui ci gui.

JEREMIAH 27:9

Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

EZEKIEL 34:8

Akcang ah kei cu ghing ciah Khanpughi nei, nangmi naw kei nami na ngaih ung bä pi khai. Ka htome gui cu khisa gui naw tu gui ci gui, ngawn gui ne ei gui ci gui, a i ah kyasei ci ung htomeshäm naw htome a shui ba vai ah kä tha nak ci. Ngami naw ami mät m’htei u ne, htome kä m’htei ci gui.

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”

EZEKIEL 21:29

Nami hmuh ah muimang cu kä hman ci, nami bi ah ng’cängbang cu hleei ah kyak ci. Nangmi cu cheishoh ci, nangmi ah hnüüp, nangmi ning m’kyuk nak gui vai ah hnüüp cu gawk lawk ci nei. Khimsem cu nami gawn ah khan ah kya law vai ci nei.

EZEKIEL 21:21

Babilonia ghangpughang cu lam ng’kya m’hnüt nak pei ah ng’düi ci. A i lam ung hteh vai ah a hmat vai ah m’la gui cu k’thüng ci, a ni ah a gup gui cu ng’shik ci; khawihnah nak ah seime ah am sin phi teng ci.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 51:23

Htoshäm gui la ami ng’htome gui, lai k’bi gui la ami laithon nak gui, uktu gui la ami bawi ng’vai gui güüt nak gui!”

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 37:19

Nangmi la nami khaw Babilonia ghangpughang naw kä tu lawic khai nei, cik ci gui ah na prophet gui cu a i ah ang ami kiak?

JEREMIAH 29:8

Kei, Bawipa Israel Khanpughi naw ng’thu ka ning k’bäi gui ci, nami ng’lung ah om ciah prophet gui naw kä ning m’hleei en gui sä, ngawi ah ka vai ng’cängbang thei ciah pyen ci naw phi kä ning m’hleei en gui sä. Ngami ah ng’mang guiphi kä nami yum men vai nei.

JEREMIAH 28:15

Kei naw shin cu Hananiah am m’thein neta ka k’be ba cu, “Ngai ä, Hananiah! Nang cu Bawipa naw kä ning tüi ci, nang naw shin ah chang gui naw hleei ami yum vai ah na bik ci.

JEREMIAH 23:17

Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 14:13

Cun kawn ah kei naw, “Uk ciah Bawipa, nang naw na hmat ah mäih ah prophet gui naw chang gui ami m’thein gui cu, ei cawi nak la ng’tuk nak kä om khai, a i ah kyasei ci ung nang naw shai na tak pyi ah kyak ci, mi khaw dimdeeih nak bäng om khai, cik ci gui.”

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

JEREMIAH 8:11

Ngami naw ka chang gui ah leim cu a i baw düt ah ngai ci gui. Ngami naw, avan kä khan pha mui sei, “Avan khan ci nei” cik ci gui.

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

ISAIAH 46:5

Bawipa naw pyen ci, “A u awn ang kei cu nami na m’täng kaw?” “Kei ah mäih a u baw om ne ang?”

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

JOB 21:34

Nang naw, akholä awn na nak büi khai ah nak tha nak ci! Nang naw na na m’shan nak phung cu hleei hlak nei.

JOB 13:4

Nang naw chang k’ni ah na kyak nak cu na hleei awn na shung ci; Nang cu a u phi kä m’gai hlawt ciah seibawi awn na täng ci.

1 GHANGPUGHANG GUI 22:17

Mikaiah naw, “Israel gakap gui cu khomhtung yung ah htoshäm kä om ciah htome gui ah mäih ah püi u sei kei naw ka hmuk ci nei. Cun ung Bawipa naw, “Shin ah chang gui cu ami ng’vai kä om ci nei, akding gei ah ami im ah hteh ba sak gui vä” cik ci.

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

KHEI NAK 27:17

ani cu ng’tuk nak ung thumkhän hning khai, cun ung na chang bum gui cu htoshäm kä om ciah htome ah mäih ah kä kyak khai gui.”

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

THULÄÄN NAK 13:2

Kä nami khawihnah man ah khanpughi gui khawihnah ne a bii bi vai ah acun naw lam ning m’shüm gui khai nei. A pyen ah ng’thu gui cu a bä ah a kyak ung phi,

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

JEREMIAH 27:10

Ngami naw ning m’hleei gui ci gui. Nami khaw ungka naw ahei ah ami ning htek püi gui vai ah ning ci gui khai gui. Kei naw nau gmi cu ka ning k’täm gui khai, nangmi cu nami di khai.

JEREMIAH 27:14

Ani ah ma ah kut kä Chaat vai ah ning pyan ah gui ciah prophet gui cu kä nami ngaih gui vai nei. Ngami naw ning m’hleei gui ci gui nei.