ZEKHARIAH 1:9 - Cho Bible Common Language 2016

⁹ Kei naw, “Saya aw, shin ah ng’se gui cu a i gui ang?” cine ka ng’shik ci. Ani naw, “A i ah ami kyak cu kei naw ka ning m’hnuh khai nei,

ZEKHARIAH 1:9 Referans Kwoze

ZEKHARIAH 5:5

Khanchang cu dang law bamä neta, “Teng ä! A i baw lawk ci nei” cik ci.

ZEKHARIAH 2:3

Cun kawn ah kei na ng’thu püi ciah khanchang cu vang hlat vüba khäta, a hei khanchang cu ani hmuk khai ah lawk ci.

ZEKHARIAH 1:19

Kei awn kani ng’thu ciah khanchang cu, “Shin ah seiki gui cu a i gui ang?” cine ka ng’shi ci. Ani naw, “Cän gui cu Juda, Israel, Jerusalem ung chang gui püi pawng sak gui ciah huham ah kyak ci nei” cik ci.

ZEKHARIAH 4:11

Cun kawn ah kei naw, “Mei-im ng’düi ah vang ah vei ah om ciah olive sing ghing goi ah a mawng cu a i ang? cine ka ng’shi ba ci.

DANIEL 7:16

Cun ung ng’düi ci gui ungka tumat ah hteit ne, cun ah mawng avan ana m’thein vai ah ka thäh ci. Cun ah kyasei ani naw cun ah mawng cu na m’thein ci.

ATÜNNAK 31:11

Ka ih mang ung Khanpughi ah khanchang naw, “Jakob” cine na khü sei, “äi” ci ngäta, ani naw,

ZEKHARIAH 1:13

Bawipa naw khanchang cu ng’thuni awn m’shang tuba ci,

ZEKHARIAH 4:1

Kei na ng’thu püi te ciah khanchang cu law ba mä ne, ip ci m’thawh ah mäih ah kei cu na m’tho neta,