ZEKHARIAH 1:8 - Cho Bible Common Language 2016

⁸ Kei naw ng’se asen ng’cuum ciah chang tumat cu ka hmuk ci. Ani cu m’htai ghing gui ah hmu khaw ng’nawi ung düi ci. Ani ah hmu ah ng’se gui — asen, amvo la a bawk gui om ci gui.

ZEKHARIAH 1:8 Referans Kwoze

THU PHLAAN 6:4

Cun kawn ah ng’se asen tumat lut lawk ci. Cun ung cun ci-am chang gui tumat la tumat ngawn nak tu vai ah khomdek khan ung ng’tuk bi nak huham cu ami peit ah kyak ci. Ani-am khim asen lu ät phi ami peit ah kyak ci.

THU PHLAAN 2:1

Ephesus khrithabum ah khankho chang-am ca peit law nei; shin ah ca cu akpat lam ah aisi pachih kawt ne, ghui mei ng’düi pachih ah ng’lung ah hteit shüi shüi ciah m’cäi nak ah kyak ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ISAIAH 55:13

Tuhbäi hling k’cam gui ah ghing nak ung a geit-ghing gui tho lawk khai; Ng’hling ghing gui ah hnün ung mirtle sing gui tho lawk khai gui. Shin cu ngawi yä om khai ah m’khüt nak ah kyak ci, Kei, Bawipa naw ka bi gui m’shüm hnuh ba ah kyak ci.

ISAIAH 41:19

Kei naw khong’gau khaw ung ceda sing, akacia sing, muratu sing la olive sing gui ka ghing sak khai. Khomdek ung sing gui be ne ghing khai, m’htai ghing gui, arit ghing gui cypress ah bung khai.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

DANIEL 2:19

Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

JOB 4:13

Ana büm ah mäih ah kei ah ka ih nak cu na tüihtok ci,

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

SOLOMON NG’Ä~ 6:2

Kei ah ka m’hni cu a u-yin ah hteit ci, acu ah sing ui sing gui tho ci. Ani naw u-yin kyong ah aseime gui vuh ne tuili chei gui m’htei ci.

SOLOMON NG’Ä~ 2:16

Kei ah ka m’hni cu kei ah kaa, kei cu ani ah kaa. Ani naw a htomak gui cu tuili chei gui ah ng’lung ah vuh ci,

THU PHLAAN 6:2

Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.

NEHEMIAH 8:15

Cun ah kyasei Jerusalem la a hei mang gaw, gawnu gui avan ung shin ah m’shüm thein nak gui cu pe gui ci gui: “Khaw gui ah hteit u ne m’htai ah ng’ban, olive ah ng’ban, mura ng’ban, hliip ah ng’ban la a hei sing gui ah ng’ban gui cu, thukhän ung om ciah m’shüm thein nak ah mäih ah Phung gui tuk nak vai ah shui law vä.”

ZEKHARIAH 1:7

Darius cu ghangpughang ah a kyak nak, akum goi nak ah a cha lei ät nak (shebat cha), a hnüüp m’ku lei phli hnüüp ung Bawipa naw khawmü ah ka ng’mang ung thu na m’thein ci.

ZEKHARIAH 1:10

ngami cu hteit ne khomdek ng’shi k’thäh khai gui ah Bawipa naw a tüih gui nei.”

ZEKHARIAH 1:11

Ngami naw khanchang am ami m’thein law ba ci, “Keimi cu khomdek avan ung hteit u ne, khomdek khan avan cu amgein kaa ah ng’yaai ne om sei kami hmuk ci nei.”

ATÜNNAK 46:2

Khanpughi naw mü ah a muimang ung, “Jakob, Jakob” cine khü sei, Jakob naw, “äi, sha ka om ci nei” cik ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.