ZEKHARIAH 1:5 - Cho Bible Common Language 2016

⁵ Nami pupa gui lacun ah prophet gui cu kä om ba ci gui.

ZEKHARIAH 1:5 Referans Kwoze

THUSHÄUTU 12:5

Nangmi cu a hlüng nak ung nami kyik khai, lam nami hteh ung kyihkyawk vai kyak khai. Nami lusam bawk khai; nami mät naw nami mät khak sei nami hteit khai, nami ng’yak hlü nak phung avan maih khai. Mikmi cu ak hnu ah ng’düm nak ah hmun ung mi hteit khai, lam yung ah chang gui kyap khai gui.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

THUSHÄUTU 1:4

Ng’shon ät hteit sei ng’shon ät law ba ci, cun ung phi khomdek khan cu a cun ah om ci.

SAM 90:10

Mi van ah kho kum cu kum chih kip ah kyak ci — mi gai ung kum cheit kip ah kyak ci; cun ung phi cun gui nü cu geinvai nak la azä nak ah kyak ci; ghin nak cu ang ghit ah ng’pyi sei mikmi cu mi ng’kawn ci.

JEREMIAH 36:28

ahei ca k’chaw la ba ne, akhtük ah ca k’chaw ung om ci gui cu gu ä,

NG’ÄI KYAH 5:7

Mi pupa gui cu sheka ci gui, cun ung phi tubäi ngami hteit pyi ci gui. Ngami ah katnak ah hmawk ah mikmi mi yaica ci.

1 SAMUEL 25:1

Samuel si sei, Israel chang gui ami van a täng ah law ne thüi kyap ci gui. Ani cu Ramah ah amät ah im ah k’phuh ci gui. Cun kawn ah David cu Param bungpuk ah hteit ci.

2 GHANGPUGHANG GUI 13:14

Prophet Elisha cu gawpyam ne ng’yän ci. Ani si hlü ne ang yän yah ung Israel ghangpughang Jehoash cu om law tuk ci. Ani naw kyap neta, “Kapa, Kapa! Nang cu m’gäi ne, Israel ghung ciah na kyak ci nei!” cik ci.

2 GHANGPUGHANG GUI 13:20

Elisha cu si sei phuh ci gui. Akum tä sei Moabite chang gui naw Israel khaw cu tu law ci, ci gui.