ZEKHARIAH 1:4 - Cho Bible Common Language 2016

⁴ Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

ZEKHARIAH 1:4 Referans Kwoze

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

ZEKHARIAH 1:3

cun ung phi tuhbäi ka pyen cu, ‘Kei ah law ba vä, kei phi nangmi ah ka law ba khai.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

MIKHAH 2:6

Chang gui naw kei ah ma ah ng’thu ami pyen cu, “Keimi ah khan ah thu kä pyen ä, cun ah amawng gui kä pyen en ä. Khanpughi naw keimi cu kä na m’thüi gui khai nei.

AMOS 5:24

Cun nak vaisü ung taga ciah tuihta ah mäih ah long vä, kä ket hlawt ciah tuinu ah mäih ah ng’düng vä.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

JEREMIAH 18:11

Tuhbäi Judah la Jerusalem chang gui cu m’thein gui vä, kei naw ngami hnung tuk püi ne ka pawng m’htein ci, ngami ka m’kyuk gui khai ah ka om ge ci. M’thein gui vä, shekha ne ami ghin om nak ami ng’düm vai nei-ami law ami m’thawng vai, ami bi bi lawh ami m’thawng vai.

JEREMIAH 3:12

Israel ah hteit ne ka pyen nak vai ah ani naw na m’thein ci, “Kä bekhüt ciah Israel, kei ah law ba ä. Kei cu ka chimgein ci, kä ka m’lungshe khai; angawi ah phi nang kä ka ning m’lung she nak khai.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

NEHEMIAH 9:16

Cun ung phi kami pupa gui cu chang ah ng’shei u ne, ami m’lung ling ci. Nang ah thumkhän läk vai ah mak ci gui.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

2 SHONTÄP NAK 34:21

“Nang mi hteit ne kei la Israel la Judah ung om ba ciah chang gui ah phäh ah Bawipa cu ng’shi thäh vä. Shin ah ca-uk ung mi ng’theithang ah mawng cu nami shui vai. Bawipa naw na m’lungshe na gui ci, a i ah kyasei ci ung mi pupa gui naw Bawipa ah ng’thu kä ngai ci gui, shin ah ca-uk naw bi vai a pyen cu kä bik ci gui.”

2 SHONTÄP NAK 30:7

Ami Khanpughi, Bawipa ung kä bekhüt ciah nami pupa gui la nami Israel chang paw gui ah mäih ah kä nami kyak vai. Nami hmuh ah mäih ah ngami cu ani naw aknui ah m’kyuk gui ci.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 23:22

Ngami naw ng’zih ciah kei ah ngaih-tüh ami hmat ah a kyak vaisü ung, ka chang gui ah ma ah ka thu cu ng’shäu hning khai gui, akshe ah ami ghin nak la akshe ami bi gui cu nawng hning khai sü gui te ah kyak ci.

EZEKIEL 20:18

Cun nak vai sü ung, kei naw ami ng’lung ah chang nong gui cu ka m’cäi gui ci: Nami pupa gui ah pyan ah thukhän gui kä nami k’pan vai; ami thungyo gui kä nami läk vai, ami agup gui awn nami mät kä nami lelawi sak vai.

EZEKIEL 33:4

Chang tumat naw acun cu ng’ya lang ne, a i ah kä ngai khäta, ga gui cu law ne, ami ngawn ah a kyak ung, amät ah sih cu amät ah om ah kyak ci.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

2 SHONTÄP NAK 30:6

Ghangpughang la a bawi gui ah ng’shächang gui cu Israel la Judah khaw avan ung hteit ne shikcha ah ng’khü ci gui: “Israel chang gui, Assirian gui naw ami tuk nak ah khaw ungka, nangmi nami k’pawih ba ci nei. Tuhbäi, Abraham, Isaak la Jakob ni ah Khanpughi, Bawipa ah law ba vä, ani phi nangmi ah law ba khai nei.

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

JEREMIAH 25:8

“Cun ah kya sei, nangmi naw kä nami ngaih ah phäh ah m’gäi ciah Bawipa naw pyen ci,

EZEKIEL 14:6

“Tuhbäi kei, Uktu Bawipa naw ka pyen cu Israel gui am m’thein gui vä: ng’hlat law ba vä, shemshai ciah name agup gui cu nawng shüt vä.

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.