ZEKHARIAH 1:3 - Cho Bible Common Language 2016

³ cun ung phi tuhbäi ka pyen cu, ‘Kei ah law ba vä, kei phi nangmi ah ka law ba khai.

ZEKHARIAH 1:3 Referans Kwoze

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

NEHEMIAH 9:28

Dimdeeih nak a gawk law ba ung, ngami cu katnak bi ba ci gui, cun ung nang naw ami ga gui am na näng ba sak gui ci. Cun ung phi ngami ng’zuu ba u ne, na hun gui vai ah ami thäh law ung, Khankho ah ka naw ng’yak pe gui ne, dämduh ciah na chimgein nak awn leng ba ba ne na gung gui ci.

2 SHONTÄP NAK 15:4

Cun ung phi khüikha nak a gawk law ung ngami cu Bawipa Israel Khanpughi ah ng’hlat law ba ci gui. Ngami naw ani cu shui ci gui, hmuk ci gui.

JOB 22:23

Na m’lung neim sak ä, Khanpughi ah law ba ne na im ung nami bilawh ah akshe avan cu ng’pyi sak ä.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

EZEKIEL 18:19

“Cun ung phi nang mi naw,” Apa ah kat ah phäh ah a i ah kyasei a htapa naw a yaica nak vai ang?” cine name na ng’shik ci. M’hlan nak cu a htapa naw ng’düng ci la nik cicu bik ci. Ani naw ka thukhän gui k’pang ne geing na ne läk ci, cun ah kyasei ani cu akcang ah ghing khai.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

EZEKIEL 18:32

Kei naw tumat a sih vai phi kä ka ng’ya hlük ci nei,” cine uktu Bawipa naw pyen ci. “Nami katnak ungka ng’hlat law ba ne ghing vä.”