ZEKHARIAH 1:2 - Cho Bible Common Language 2016

² Zekhariah naw a chang gui am, am thein ba gui vai ah M’gäi ciah Bawipa ah thu m’thein cu, “Kei Bawipa cu na pupa gui ah khan ah ang htei ah ka m’lungshe ci,

ZEKHARIAH 1:2 Referans Kwoze

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.

NG’ÄI KYAH 5:7

Mi pupa gui cu sheka ci gui, cun ung phi tubäi ngami hteit pyi ci gui. Ngami ah katnak ah hmawk ah mikmi mi yaica ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

SAM 60:1

O Khanpughi, nang naw na hnu nah gui ne, na na hnim gui ci nei; Nang naw na na m’lung she na gui ci, — cun ung phi tuhbäi keimi täng ah na ng’hlat law ba ci.

EZRA 9:13

Apäng päng cu kami khan ah kya law ne, kami katnak la cheishoh nak ah khan ah m’kyuk nak om sei phi, Kami Khanpughi naw kami katnak ah ta ng’neim tuba khai ah na m’kyuk gui ci nei ci la ghing ne om vai ah ana om sak gui cu, kami hmat ci nei.

2 GHANGPUGHANG GUI 23:26

Cun ung phi Ghangpughang Manasseh ah bi naw Bawipa cu m’lungshe sak sei, Judah a hnungtuk nak püi cu tuh güt kä dim phak ci.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.

ZEKHARIAH 8:14

Hlüngtai ciah Bawipa naw, “Nami pupa gui naw ami na m’lungshe sak yah ung, ngami ah hmawk ah leigai ka pawng püi ci, ka m’lung kä ng’thawng ci, ka pawng püi gui cu ka law püi ci.